ಭಾರತದ ಅಂಗವಿಕಲ ಕ್ರಿಕೆಟಿಗರಿಗೆ ಸ್ಟೀವ್‌ ವೋ ನೆರವು

ಮೆಲ್ಬರ್ನ್: ಭಾರತದ 30 ಮಂದಿ ಪ್ರತಿಭಾನ್ವಿತ ಅಂಗವಿಕಲ ಕ್ರಿಕೆಟಿಗರಿಗಾಗಿ ಸ್ಟೀವ್‌ ವೋ ಫೌಂಡೇಶನ್‌ ಆರ್ಥಿಕ ನೆರವು ಘೋಷಿಸಿದೆ. ಆಸ್ಟ್ರೇಲಿಯದಲ್ಲಿ ನಡೆಸಿದ ನಿಧಿ ಸಂಗ್ರಹ ಅಭಿಯಾನದ ಮೂಲಕ ಈ ಹಣವನ್ನು ಒಟ್ಟುಗೂಡಿಸಲಾಗಿದ್ದು, ತಲಾ 5 ಸಾವಿರ ರೂ. ಮೊತ್ತವನ್ನು ಕ್ರಿಕೆಟಿಗರ ಖಾತೆಗೆ ಹಾಕಲಾಗುವುದು ಎಂದು ವೋ ತಿಳಿಸಿದ್ದಾರೆ.

ಈ ಕ್ರಿಕೆಟಿಗರೆಲ್ಲರೂ “ಫಿಸಿಕಲಿ ಚಾಲೆಂಜ್ ಕ್ರಿಕೆಟ್‌ ಅಸೋಸಿಯೇಶನ್‌ ಆಫ್ ಇಂಡಿಯಾ’ ವ್ಯಾಪ್ತಿಗೆ ಬರುವ ಆಟಗಾರರಾಗಿದ್ದಾರೆ. ಕಳೆದ ಜನವರಿಯಲ್ಲಿ ಹೊಸದಿಲ್ಲಿಗೆ ಆಗಮಿಸಿದಾಗ ಈ ಕ್ರಿಕೆಟಿಗರ ಸಾಮರ್ಥ್ಯ ತನ್ನ ಮೇಲೆ ಬಹಳ ಪ್ರಭಾವ ಬೀರಿತ್ತು ಎಂಬುದಾಗಿ ವೋ ಹೇಳಿದ್ದಾರೆ.