ಕಲ್ಮಾಡಿ ಸ್ಟೆಲ್ಲಾ ಮಾರಿಸ್ ಚರ್ಚ್: “ಗರಿಗಳ ರವಿವಾರ” ಹಬ್ಬ

ಉಡುಪಿ : ವೆಲಂಕಣಿ ಮಾತೆಯ ಪುಣ್ಯಕ್ಷೇತ್ರ ಕಲ್ಮಾಡಿ ಸ್ಟೆಲ್ಲಾ ಮಾರಿಸ್ ಚರ್ಚ್ ನಲ್ಲಿ “ಗರಿಗಳ ರವಿವಾರ” ಹಬ್ಬವನ್ನು ಶ್ರದ್ಧಾ ಭಕ್ತಿಯಿಂದ ಆಚರಿಸಲಾಯಿತು.

ಗರಿಗಳ ಆಶೀರ್ವಚನವನ್ನು ಸ್ಟೆಲ್ಲಾ ಮಾರಿಸ್ ಚರ್ಚ್ ನ ಪ್ರಧಾನ ಧರ್ಮಗುರುಗಳಾದ ಫಾ| ಬ್ಯಾಪ್ಟಿಸ್ಟ್ ಮಿನೇಜಸ್ ರವರು ನೆರೆವೇರಿಸಿದರು. ಸಹಾಯಕ ಧರ್ಮಗುರುಗಳಾದ ಫಾ| ರೋಯ್ ಲೋಬೊ ರವರು ಪವಿತ್ರ ಬಲಿದಾನದಲ್ಲಿ ಭಾಗಿಯಾದರು. ಯೇಸು ಕಷ್ಟ, ಯಾತನೆ, ಹಿಂಸೆ ಅನುಭವಿಸಿದ ನಂತರ ದೇವರ ಮಾತಿನಂತೆ ನಡೆದು ಜಯಶಾಲಿಯಾದರು. ಇದನ್ನು ಸ್ಮರಿಸಿ ಈ ಪವಿತ್ರ ವಾರವನ್ನು ಭಕ್ತಿಯಿಂದ ಆಚರಿಸೋಣ ಎಂದು ಸಂದೇಶ ನೀಡಿದರು. ಧಾರ್ಮಿಕ ಪೂಜಾ ವಿಧಿಯಲ್ಲಿ ನೂರಾರು ಭಕ್ತರು ಭಾಗಿಯಾದರು.

ಪವಿತ್ರ ವಾರದ ಆಚರಣೆಯನ್ನು ವಿಶೇಷ ತಯಾರಿಯೊಂದಿಗೆ ಕ್ರೈಸ್ತ ಅನುಯಾಯಿಗಳು ಪ್ರತಿವರ್ಷ ನೆರೆವೇರಿಸುತ್ತಾರೆ. ಇದು ಯೇಸುಕ್ರಿಸ್ತರು ವೈಭವದಿಂದ ಜೆರುಸಲೇಮ್ ನಗರವನ್ನು ಪ್ರವೇಶಿಸಿದ ಪುಣ್ಯಸ್ಮರಣೆಯ ಸಂಕೇತವಾಗಿದೆ.