ಫೆಬ್ರವರಿಯಿಂದ ಉಕ್ಕಿನ ಬೆಲೆ 2 ಸಾವಿರ ರೂ.ಏರಿಕೆ

ಹೊಸದಿಲ್ಲಿ: ಮುಂದಿನ ತಿಂಗಳಿನಿಂದ ಉಕ್ಕಿನ ಬೆಲೆ 2 ಸಾವಿರ ರೂ. ಏರಿಕೆಯಾಗುವ ಸಾಧ್ಯತೆ ಇದೆ. ನಿರ್ಮಾಣ ಕ್ಷೇತ್ರದಿಂದ ಹೆಚ್ಚಿನ ಪ್ರಮಾಣದ ಬೇಡಿಕೆ ಮತ್ತು ಅದನ್ನು ಸಿದ್ಧಪಡಿಸುವ ಕಚ್ಚಾ ವಸ್ತುಗಳ ದರವೂ ಏರಿಕೆಯಾಗಿರುವ ಹಿನ್ನೆಲೆಯಲ್ಲಿ ಈ ಬದಲಾವಣೆ ಅನಿವಾರ್ಯ ಎಂದು ಹೇಳಲಾಗುತ್ತಿದೆ. ಸತತ 4ನೇ ಬಾರಿಗೆ ದರ ಏರಿಕೆಯಾದಂತಾಗುತ್ತದೆ.

ಈ ತಿಂಗಳ ಆರಂಭದಲ್ಲಿ ಸ್ಟೀಲ್‌ ಕಂಪೆನಿಗಳು 1,750 ರೂ. ಏರಿಕೆ ಮಾಡಿದ್ದವು. ಬೆಳವಣಿಗೆ ಬಗ್ಗೆ ಪ್ರತಿಕ್ರಿಯೆ ನೀಡಿದ ಆರ್ಸೆಲಾರ್‌ ಮಿತ್ತಲ್‌ ನಿಪ್ಪಾನ್‌ ಸ್ಟೀಲ್‌ ಇಂಡಿಯಾದ ಮುಖ್ಯ ಮಾರುಕಟ್ಟೆ ಅಧಿಕಾರಿ ರಾಜೀವ್‌ ಧರ್‌, ಆರು ತಿಂಗಳಿಂದ ಈಚೆಗೆ ಮಾರುಕಟ್ಟೆಯಲ್ಲಿ ಬೇಡಿಕೆ ಕುಸಿದಿದೆ ಎಂದಿದ್ದಾರೆ. ಇದೀಗ ಬೇಡಿಕೆ ಹೆಚ್ಚಾಗಿರುವುದರಿಂದ ದರದಲ್ಲಿ ಏರಿಕೆಯಾಗಿದೆ ಎಂದಿದ್ದಾರೆ.