ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ

ನಾಗಮಂಗಲ: ಐದು ಕೋಟಿ ರೂ. ಗಳಿಗೂ ಅಧಿಕ ವೆಚ್ಚದ ವಿವಿಧ ರಸ್ತೆಗಳ ಅಭಿವೃದ್ಧಿ ಕಾಮಗಾರಿಗೆ ಶಾಸಕ ಸುರೇಶ್‌ ಗೌಡ ಶನಿವಾರ ಚಾಲನೆ ನೀಡಿದರು.

ತಾಲೂಕಿನ ಬಿಂಡಿಗನಲೆ ಹೋಬಳಿ ಮಂಗರವಳ್ಳಿ, ಎಚ್‌.ಕೋಡಿಹಳ್ಳಿ, ಎಚ್‌.ಭೂವನಹಳ್ಳಿ, ಹೊನ್ನೇನಹಳ್ಳಿ ಮತ್ತು ಬೋನಗೆರೆ ರಸ್ತೆಗಳನ್ನು ಸುಮಾರು 1.60 ಕೋಟಿ ರೂ. ವೆಚ್ಚದಲ್ಲಿ ನಬಾರ್ಡ್‌ ಅಡಿಯಲ್ಲಿ ಜಿಪಂ ಇಲಾಖೆಯಿಂದ ಅಭಿವೃದ್ಧಿ ಪಡಿಸುವ ಯೋಜನೆಗೆ ಗುದ್ದಲಿ ಪೂಜೆ ನೆರವೇರಿಸಿದರು.

ಈ ವೇಳೆ ಹೊನ್ನಾವರ ಗ್ರಾಪಂ ಅಧ್ಯಕ್ಷ ಕೃಷ್ಣೇಗೌಡ ಮಾಜಿ ಸದಸ್ಯ ರುದ್ರೇಶ್‌, ಮುಖಂಡರಾದ ನರೇಂದ್ರ, ಬಿಂಡಿಗನಲೆ ಗ್ರಾಪಂ ಸದಸ್ಯ ಮಂಜು, ದೊಡ್ಡಾಬಾಲ ಗ್ರಾಪಂ ಮಾಜಿ ಅಧ್ಯಕ್ಷ ಬೋನಗೆರೆ ಸುರೇಶ್‌ ಇದ್ದರು.

ಲೋಕೋಪಯೋಗಿ ಇಲಾಖೆ ವತಿಯಿಂದ ಶಿಖರನಹಳ್ಳಿ, ಹುಳ್ಳೇನಹಳ್ಳಿ, ತೊಂಡಹಳ್ಳಿ ಮತ್ತು ಚಾಕೇನಹಳ್ಳಿ ಸಂಪರ್ಕಿಸುವ ರಸ್ತೆಗಳ 3.50 ಕೋಟಿ ರೂ. ವೆಚ್ಚದ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ ನೀಡಿದರು. ದೇವರಮಾವಿನಕೆರೆ ಗ್ರಾಮದಲ್ಲಿ 20 ಲಕ್ಷ ರೂ. ವೆಚ್ಚದ ಸಿ.ಸಿ. ರಸ್ತೆ ಕಾಮಗಾರಿಗೂ ಚಾಲನೆ ದೊರೆಯಿತು. ಈ ವೇಳೆ ಜಿಪಂ ಸ್ಥಾಯಿ ಸಮಿತಿ ಅಧ್ಯಕ್ಷ ಡಿ.ಕೆ.ಶಿವಪ್ರಕಾಶ್‌, ಗುತ್ತಿಗೆದಾರ ಡಿ.ಕೆ.ಪುಟ್ಟಸ್ವಾಮಿ ಇತರರು ಹಾಜರಿದ್ದರು.