ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ

ಜೋಯಿಡಾ: ತಾಲೂಕಿನ ಆವೇಡಾ ಗ್ರಾಪಂ ವ್ಯಾಪ್ತಿಯ ಕೊಣಪಾದಲ್ಲಿ ಲೋಕೋಪಯೋಗಿ ಇಲಾಖೆಯ ಎಸಿಪಿ ಹಾಗೂ ಡಿಸಿಪಿ ಯೋಜನೆ ಅಡಿಯಲ್ಲಿ 1.15 ಕೋಟಿ ರೂ. ಅನುದಾನದ ಮೂರು ರಸ್ತೆಗಳ ಅಭಿವೃದ್ಧಿಗೆ ಜಿಪಂ ಸದಸ್ಯ ರಮೇಶ ನಾಯ್ಕ ಭೂಮಿಪೂಜೆ ನೆರವೇರಿಸಿ ಚಾಲನೆ ನೀಡಿದರು.

ಕೊಣಪಾ ಬಳಿಯ ಯಲ್ಲಪ್ಪಾ ಫಕಿರಪ್ಪಾ ಬನ್ನೇಗೋಳ ಮನೆ ಸಂಪರ್ಕದ ರಸ್ತೆ ಡಿಸಿಪಿ ಯೋಜನೆಯಡಿ 25 ಲಕ್ಷ

ರೂ., ಕೊಣಪಾ ಮಲ್ಲಪ್ಪ ಹರಿಜನ ಮನೆ ರಸ್ತೆ ಎಸಿಪಿ ಯೋಜನೆಯಡಿ 55 ಲಕ್ಷ ರೂ. ಹಾಗೂ ಸುರೇಶ ಸಾವಂತ ಮನೆ ರಸ್ತೆ ಡಿಸಿಪಿ ಯೋಜನೆಯ 35 ಲಕ್ಷ ರೂ. ಅನುದಾನದ ಕಾಮಗಾರಿಗೆ ಜಿ.ಪಂ. ಸದಸ್ಯ ರಮೇಶ ನಾಯ್ಕ ಚಾಲನೆ ನೀಡಿದರು. ಕೆಡಿಸಿಸಿ ಬ್ಯಾಂಕ್‌ ನಿರ್ದೇಶಕ ಹಾಗೂ ಗ್ರಾಪಂ ಸದಸ್ಯ ಕೃಷ್ಣಾ ದೇಸಾಯಿ, ಗ್ರಾಪಂ ಅಧ್ಯಕ್ಷೆ ಕಸ್ತೂರಿ ಗುಡಿ ಹಾಗೂ ಗ್ರಾಪಂ ಸದಸ್ಯರು, ಲೋಕೋಪಯೋಗಿ ಇಲಾಖೆಯ ಸ. ಅಭಿಯಂತರ ಅರುಣ ಡಿ. ಮತ್ತಿತರರು ಇದ್ದರು.