ಅಪಘಾತಕ್ಕೀಡಾದರೂ ಪರೀಕ್ಷೆ ಬರೆದು ಗೆದ್ದಳು

ಬೆಳ್ತಂಗಡಿ: ತಾಯಿ ಜತೆ ಎಸೆಸೆಲ್ಸಿ ಕೊನೆಯ ದಿನದ ವಿಜ್ಞಾನ ಪರೀಕ್ಷೆ ಬರೆಯಲು ಶಾಲೆಗೆ ಆಗಮಿಸುತ್ತಿದ್ದಾಗ ಸ್ಕೂಟರ್‌ ಸ್ಕಿಡ್‌ ಅಗಿ ಅಪಘಾತ ಸಂಭವಿಸಿದರೂ ಪ್ರಥಮ ಚಿಕಿತ್ಸೆ ಪಡೆದು ಸ್ಟ್ರೆಚರ್‌ನಲ್ಲೆ ಮಲಗಿ ಮತ್ತೋರ್ವ ವಿದ್ಯಾರ್ಥಿನಿ ಸಹಕಾರದಿಂದ ಪರೀಕ್ಷೆ ಬರೆದಿದ್ದ ಲಾೖಲ ಸೈಂಟ್‌ ಮೇರೀಸ್‌ ಆಂಗ್ಲ ಮಾಧ್ಯಮ ಶಾಲೆಯ ವಿದ್ಯಾರ್ಥಿನಿ ತನ್ವಿ 508 ಅಂಕಗಳೊಂದಿಗೆ ಶೇ. 81 ಅಂಕ ಪಡೆದು ಸಾಧನೆ ಮಾಡಿದ್ದಾರೆ.

ಬೆಳ್ತಂಗಡಿ ತಾಲೂಕಿನ ನಾವೂರು ಗ್ರಾಮದ ಸಂಪಿಂಜಾ ನಿವಾಸಿ ಲಕ್ಷ್ಮಣ -ಮಮತಾ ದಂಪತಿಯ ಪುತ್ರಿ ತನ್ವಿ ಅದೇ ಶಾಲೆಯ 9ನೇ ತರಗತಿ ವಿದ್ಯಾರ್ಥಿನಿಯ ಸಹಾಯ ಪಡೆದು ಪ್ರತ್ಯೇಕ ಕೊಠಡಿಯಲ್ಲಿ ಪರೀಕ್ಷೆ ಬರೆದಿದ್ದರು.