Kota; ಚೇಂಪಿ ದೇವಸ್ಥಾನಕ್ಕೆ ಕಾಶೀ ಮಠಾಧೀಶರ ಆಗಮನ

ಕೋಟ: ಪುರಾಣ ಪ್ರಸಿದ್ಧ 18 ಪೇಟೆಗಳ ದೇವರಾಗಿರುವ ಚೇಂಪಿ ಶ್ರೀ ಲಕ್ಷ್ಮೀವೆಂಕಟರಮಣ ದೇವಸ್ಥಾನದ ಪುನಃ ಪ್ರತಿಷ್ಠೆ ದಶಮಾನೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಸಲುವಾಗಿ ಶ್ರೀಕಾಶೀ ಮಠದ ಶ್ರೀ ಸಂಯಮೀಂದ್ರತೀರ್ಥ ಶ್ರೀಪಾದರು ರವಿವಾರ ರಾತ್ರಿ ಚೇಂಪಿಗೆ ಪುರಪ್ರವೇಶಗೈದರು.

ಪೂರ್ಣಕುಂಭ ಸ್ವಾಗತದೊಂದಿಗೆಶ್ರೀಗಳನ್ನು ಬರಮಾಡಿಕೊಳ್ಳ ಲಾಯಿತು. ಶ್ರೀಗಳು ಶ್ರೀ ಲಕ್ಷ್ಮೀವೆಂಕಟರಮಣ ದೇವರಿಗೆ ಪೂಜೆ ಸಲ್ಲಿಸಿ, ಮಂತ್ರಾಕ್ಷತೆ ವಿತರಿಸಿದರು.

ಇಂದು ಸಹಸ್ರ ಕುಂಭಾಭಿಷೇಕ, ಬ್ರಹ್ಮಕಲಶ
ಸೋಮವಾರ ಬೆಳಗ್ಗೆ 9.30ಕ್ಕೆ ಶ್ರೀಪಾದರಿಂದ ಶ್ರೀವೆಂಕಟರಮಣ ದೇವರಿಗೆ ಸಹಸ್ರ ಕುಂಭಾಭಿಷೇಕ, ಕನಕ ಕಲಾಭಿಷೇಕ, ಬ್ರಹ್ಮಕಲಶ, ಗುರುಕಾಣಿಕೆ ಸಮರ್ಪಣೆ, ಪ್ರಸಾದ ವಿತರಣೆ, ರಜತ ಲಾಲಕಿಯಲ್ಲಿ ರಾತ್ರಿ ಪೇಟೆ ಸವಾರಿ ನಡೆಯಲಿದೆ.