Olympics ಸಮಾರೋಪ ಸಮಾರಂಭ; ಭಾರತದ ಧ್ವಜಧಾರಿಯಾಗಿ ಶ್ರೀಜೇಶ್, ಮನು

ಪ್ಯಾರಿಸ್ : ಈಗಾಗಲೇ ವಿದಾಯ ಪಂದ್ಯವಾಡಿರುವ ಹಾಕಿ ತಂಡದ ಗೋಲ್‌ಕೀಪರ್ ಪಿ.ಆರ್. ಶ್ರೀಜೇಶ್ ಅವರು ಭಾನುವಾರ ನಡೆಯಲಿರುವ ಒಲಿಂಪಿಕ್ ಕ್ರೀಡಾಕೂಟದ ಸಮಾರೋಪ ಸಮಾರಂಭದಲ್ಲಿ ಸ್ಟಾರ್ ಶೂಟರ್ ಮನು ಭಾಕರ್ ಅವರೊಂದಿಗೆ ಭಾರತೀಯ ತಂಡದ ಧ್ವಜಧಾರಿಯಾಗಿ ಸೇರಿಕೊಳ್ಳಲಿದ್ದಾರೆ.

ಇದು ಹಾಕಿ ತಂಡ ಕಂಚು ಗೆಲ್ಲಲು ಶ್ರೀಜೇಶ್ ಅವರ ಕೊಡುಗೆಗಳಿಗೆ ಸೂಕ್ತವಾದ ಗೌರವ ಮತ್ತು ಮನ್ನಣೆ ಎನ್ನಲಾಗಿದೆ. ಶ್ರೀಜೇಶ್ ಅವರನ್ನು ಭೇಟಿ ಮಾಡುವ ಮೊದಲು, ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್ ​​(IOA) ಅಧ್ಯಕ್ಷೆ ಪಿ.ಟಿ. ಉಷಾ ಅವರು ಬೆಳ್ಳಿ ಪದಕ ವಿಜೇತ ನೀರಜ್ ಚೋಪ್ರಾ ಅವರೊಂದಿಗೆ ಮಾತನಾಡಿದ್ದು ಅವರೂ ಕೂಡ ನಿವೃತ್ತಿಯಾಗಿರುವ ಹಾಕಿ ದಿಗ್ಗಜ ಶ್ರೀಜೇಶ್ ಅವರನ್ನೇ ಧ್ವಜಧಾರಿಯಾಗಿ ಕಾಣಲು ಬಯಸಿದ್ದಾರೆ ಎಂದು ಹೇಳಿದ್ದಾರೆ.

”ನೀವು ನನ್ನನ್ನು ಕೇಳದಿದ್ದರೂ, ನಾನು ಶ್ರೀಭಾಯಿ ಅವರ ಹೆಸರನ್ನು ಸೂಚಿಸುತ್ತಿದ್ದೆ…”ಎಂದು ಹೇಳಿದ್ದಾರೆ. ಇದು ಶ್ರೀಜೇಶ್‌ ಅವರ ಮೇಲೆ ನೀರಜ್‌ಗೆ ಇರುವ ಅಪಾರ ಗೌರವ ಮತ್ತು ಭಾರತೀಯ ಕ್ರೀಡೆಗೆ ಅವರ ಕೊಡುಗೆಯನ್ನು ಪ್ರತಿಬಿಂಬಿಸುತ್ತದೆ. IOA ನಾಯಕತ್ವದಲ್ಲಿ ಶ್ರೀಜೇಶ್ ಅವರು ಭಾವನಾತ್ಮಕ ಮತ್ತು ಜನಪ್ರಿಯ ಆಯ್ಕೆ ”ಎಂದು ಪಿ.ಟಿ. ಉಷಾ ಹೇಳಿಕೆ ನೀಡಿದ್ದಾರೆ.

ಭಾರತದ ಕಂಚಿನ ಪದಕ ಗೆದ್ದ ಸಾಧನೆಯ ನಂತರ ಹಾಕಿ ದಿಗ್ಗಜ ಶ್ರೀಜೇಶ್ 18 ವರ್ಷಗಳ ವೈಭವದ ವೃತ್ತಿಜೀವನದಿಂದ ನಿವೃತ್ತರಾಗಿದ್ದಾರೆ. ಕಂಚಿನ ಪಂದ್ಯ ಗೆದ್ದ ತಂಡ ಸ್ಮರಣೀಯ ಬೀಳ್ಕೊಡುಗೆ ನೀಡಿದೆ.