Ankola; ಕ್ರೀಡಾಪಟು ಅನಿಲ ರಾಮಚಂದ್ರ ಗಾಂವಕರ ಹೃದಯಾಘಾತದಿಂದ ನಿಧನ

ಅಂಕೋಲಾ : ಉತ್ತಮ ಕ್ರೀಡಾಪಟು ಆಗಿದ್ದ ಪೂಜಗೇರಿಯ ಅನಿಲ ರಾಮಚಂದ್ರ ಗಾಂವಕರ ಹೃದಯಾಘಾತದಿಂದ ರವಿವಾರ ಅಕಾಲಿಕವಾಗಿ ನಿಧನರಾಗಿದ್ದಾರೆ.

ಅನಿಲ ಅವರು ತಾಲೂಕಿನಲ್ಲಿ ಅನೇಕ‌ ಕ್ರಿಕೆಟ್ ಪಂದ್ಯಾವಳಿ ಸಂಗಟಿಸುವುದರ ಮೂಲಕ, ಕ್ರೀಡೆ , ಸಾಂಸ್ಕೃತಿಕ ಕಾರ್ಯಗಳಲ್ಲಿ ಸದಾ ಮುಂಚೂಣಿಯಲ್ಲಿದ್ದರು.

ಶನಿವಾರ ಇವರಿಗೆ ಆರೋಗ್ಯದಲ್ಲಿ ಏರು ಪೇರಾಗಿ, ಉಸಿರಾಟ ಮತ್ತಿತರ ಸಮಸ್ಯೆ ಕಾಣಿಸಿಕೊಂಡು, ಖಾಸಗಿ ಆಸ್ಪತ್ರೆಗೆ ದಾಖಲಿಸಿ, ರವಿವಾರ ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿಗೆ ಕರೆದೊಯ್ಯುವ ಸಿದ್ಧತೆ ನಡೆಸುತ್ತಿರುವಾಗಲೇ, ಆಸ್ಪತ್ರೆಯಲ್ಲೇ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ.

ಈ ಸುದ್ದಿ ತಿಳಿದ ಪೂಜಗೇರಿ ಗ್ರಾಮಸ್ಥರು ಮತ್ತು ತಾಲೂಕಿನ ಹಲವರು ಆಸ್ಪತ್ರೆಯತ್ತ ಆಗಮಿಸಿದ್ದರು. ಮೃತ ಅನಿಲ ಗಾಂವಕರ, ತಾಯಿ ಸೇವಂತಿ ಗಾಂವಕರ ಹಾಗೂ ಸಹೋದರರಾದ ಕೃಷ್ಣ ಗಾಂವಕರ ಮತ್ತು ಪ್ರಭಾಕರ ಗಾಂವಕರ ಸೇರಿದಂತೆ ಅಪಾರ ಬಂಧು ಬಳಗ ಅಗಲಿದ್ದಾರೆ.