ದಕ್ಷಿಣ ಆಫ್ರಿಕಾಕ್ಕೆ ಇನ್ನು ವನಿತೆಯರ ಸವಾಲು

ಕಿಂಬರ್ಲಿ: ವಿಶ್ವಕಪ್‌ ಫೈನಲ್‌ ಆಡಿ 7 ತಿಂಗಳ ಬಳಿಕ ಭಾರತದ ವನಿತಾ ಕ್ರಿಕೆಟ್‌ ತಂಡ ದೊಡ್ಡ ಸವಾಲೊಂದಕ್ಕೆ ಸಿದ್ಧವಾಗುತ್ತಿದೆ. ದಕ್ಷಿಣ ಆಫ್ರಿಕಾವನ್ನು ಅವರದೇ ನೆಲದಲ್ಲಿ ಐಸಿಸಿ ವುಮೆನ್ಸ್‌ ಚಾಂಪಿಯನ್‌ಶಿಪ್‌ನಲ್ಲಿ ಎದುರಿಸಲಿದೆ.

ಇದು 3 ಪಂದ್ಯಗಳ ಏಕದಿನ ಸರಣಿಯಾಗಿದ್ದು, 2021ರ ವನಿತಾ ವಿಶ್ವಕಪ್‌ ಪಂದ್ಯಾವಳಿಗೆ ನೇರ ಅರ್ಹತೆ ಸಂಪಾದಿಸಲು ಎರಡೂ ತಂಡಗಳಿಗೆ ಅವಕಾಶವಿದೆ.

ಮಿಥಾಲಿ ರಾಜ್‌ ಬಳಗ ಮೊದಲ ಪಂದ್ಯವನ್ನು ಸೋಮವಾರ ಕಿಂಬರ್ಲಿಯಲ್ಲಿ ಆಡಲಿದೆ. ದ್ವಿತೀಯ ಪಂದ್ಯ ಫೆ. 7ರಂದು ಇಲ್ಲಿಯೇ ನಡೆಯಲಿದೆ. ಅಂತಿಮ ಮುಖಾಮುಖೀಯ ತಾಣ ಪೊಚೆಫ್ಸೂಮ್‌ (ಫೆ. 10). ದಕ್ಷಿಣ ಆಫ್ರಿಕಾ ತಂಡವನ್ನು ಡೇನ್‌ ವಾನ್‌ ನೀಕರ್ಕ್‌ ಮುನ್ನಡೆಸಲಿದ್ದಾರೆ.