ಶೀಘ್ರದಲ್ಲೇ ಎಲೆಕ್ಟ್ರಿಕ್‌ ಆಲ್ಟೋ ಮಾರುಕಟ್ಟೆಗೆ

ನವದೆಹಲಿ: ಶೀಘ್ರದಲ್ಲೇ ಮಾರುತಿ ಸುಜುಕಿ ಅವರ ಜನ ಪ್ರಿಯ ಮಿನಿ ಕಾರುಗಳಲ್ಲಿ ಒಂದಾದ ಆಲ್ಟೋ, ವಿದ್ಯುತ್‌ ಆವೃತ್ತಿಯಲ್ಲಿ ಮಾರುಕಟ್ಟೆಗೆ ಪರಿಚಯಗೊಳ್ಳಲಿದೆ. ಫೆಬ್ರವರಿಯಲ್ಲಿ ಆಲ್ಟೋ ಕಾರುಗಳ ಮಾರಾಟ 35 ಲಕ್ಷ ದಾಟಿರುವ ಹಿನ್ನೆಲೆಯಲ್ಲಿ ಬುಧವಾರ ಮಾತನಾಡಿದ ಮಾರುತಿ ಸುಜುಕಿಯ  ಹಿರಿಯ ಕಾರ್ಯನಿರ್ವಾಹಕ ನಿರ್ದೇಶಕ ಆರ್‌.ಎಸ್‌. ಕಾಳಿ, ವಿದ್ಯುತ್‌ ಚಾಲಿತ ಆಲ್ಟೋ ಕಾರುಗಳು 2020ರ ವೇಳೆಗೆ ಮಾರುಕಟ್ಟೆ ಪ್ರವೇಶಿಸುವ ವಿಶ್ವಾಸವಿದೆ ಎಂದರು.  

ಏತನ್ಮಧ್ಯೆ, ಹುಂಡೈ ಸಂಸ್ಥೆಯು “ನೆಕ್ಸೋ’ ಎಂಬ ವಿದ್ಯುತ್‌ ಚಾಲಿತ ಕಾರನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದ್ದು, ಆ ಕಾರು ಒಂದು ಚಾರ್ಜ್‌ನಲ್ಲಿ 650 ಕಿ.ಮೀ. ಸಾಗಲಿದೆ ಎಂದು ಹೇಳಿದೆ. 

ಥಂಡರ್‌ಬರ್ಡ್‌ ಎಕ್ಸ್‌ ಅನಾವರಣ: ರಾಯಲ್‌ ಎನ್‌ಫೀಲ್ಡ್‌ ಅವರ ಥಂಡರ್‌ಬರ್ಡ್‌ ಎಕ್ಸ್‌ ಬುಧವಾರ ಅನಾವರಣಗೊಂಡಿದೆ. ಥಂಡರ್‌ಬರ್ಡ್‌ ಎಕ್ಸ್‌ 350ಸಿಸಿ ಮತ್ತು 500ಸಿಸಿ ಹೊಸ ಮಾಡೆಲ್‌ಗ‌ಳಲ್ಲಿ ಲಭ್ಯವಿದ್ದು, ಆರಂಭಿಕ ಬೆಲೆ 1.57 ಲಕ್ಷ ರೂ. ಆಗಿದೆ.