ನ್ಯಾಯಬೆಲೆ ಅಂಗಡಿ ಇನ್ನು ಸಾಮಾನ್ಯ ಸೇವಾ ಕೇಂದ್ರ?

ಹೊಸದಿಲ್ಲಿ: ವಿದ್ಯುತ್‌, ಫೋನ್‌ ಬಿಲ್‌ಗ‌ಳಂತಹ ಬಳಕೆಯ ಬಿಲ್‌ ಪಾವತಿಸುವುದು, ಪಾನ್‌ ಮತ್ತು ಪಾಸ್‌ಪೋರ್ಟ್‌ಗಾಗಿ ಅರ್ಜಿ ಪಡೆಯುವುದು ರೇಶನ್‌ ಅಂಗಡಿಗಳಲ್ಲಿಯೇ ಸಾಧ್ಯವಾದರೆ ಹೇಗೆ? ಅಂತಹ ದಿನಗಳು ದೂರವಿಲ್ಲ. ಈ ಸಂಬಂಧ ಭಾರತೀಯ ಇ- ಆಡಳಿತಾತ್ಮಕ ಸೇವೆ (ಜಿಎಸ್‌ಸಿ-ಇ) ಮತ್ತು ಕೇಂದ್ರ ಆಹಾರ ಸಚಿವಾಲಯವು ತಿಳಿವಳಿಕೆ ಒಡಂಬಡಿಕೆಯೊಂದನ್ನು ಮಾಡಿಕೊಂಡಿವೆ.

ರೇಷನ್‌ ಅಂಗಡಿಗಳನ್ನು ಸಾಮಾನ್ಯ ಸೇವಾ ಕೇಂದ್ರ ಗಳಾಗಿಯೂ ಮಾರ್ಪಡಿಸುವ ಸಂಬಂಧ ಒಡಂಬಡಿಕೆ ಇದಾಗಿದೆ. ನ್ಯಾಯಬೆಲೆ ಅಂಗಡಿಗಳಿಗೆ ಇದೊಂದು ಹೆಚ್ಚುವರಿ ಆದಾಯ ಮೂಲವಾದರೆ ಜನರಿಗೆ ಈ ಸೇವೆಗಳು ಹತ್ತಿರದಲ್ಲಿಯೇ ಸಿಗಲಿವೆ. ಕೇಂದ್ರ ಆಹಾರ ಸಚಿವಾಲಯವು ಎಲ್ಲ ರಾಜ್ಯ ಸರಕಾರಗಳ ಮೂಲಕ ಇದನ್ನು ಅನುಷ್ಠಾನಗೊಳಿಸಲಿದೆ.