ಮೊಬೈಲ್‌ ಬ್ಯಾಂಕಿಂಗ್‌ನಲ್ಲಿ ಕೊಂಚ ಸುಧಾರಣೆ

ಹೊಸದಿಲ್ಲಿ: ದೇಶದಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಮೊಬೈಲ್‌ ಬ್ಯಾಂಕಿಂಗ್‌ ಕ್ಷೇತ್ರದಲ್ಲಿ ಸುಧಾರಣೆಯಾಗಿದೆ. ದೇಶದಲ್ಲಿ ಕ್ಯಾಶ್‌ಲೆಸ್‌ ಪಾವತಿ ವ್ಯವಸ್ಥೆ ಹೆಚ್ಚು ಬಲಶಾಲಿಯಾಗಿದ್ದು ಜನರು ಮೊಬೈಲ್‌ ಬ್ಯಾಂಕಿಂಗ್‌ ಅನ್ನು ಹೆಚ್ಚು ಅವಲಂಭಿಸಿದ್ದಾರೆ.

ಕಳೆದ ಅಗಸ್ಟ್‌ ಅವಧಿಯಲ್ಲಿ 2065.05 ಬಿಲಿಯನ್‌ ರೂ. ಮೌಲ್ಯದ ವಹಿವಾಟು ಮೊಬೈಲ್‌ ಬ್ಯಾಂಕಿಗ್‌ ಮೂಲಕ ಆಗಿದೆ. ಈ ವರ್ಷ ಆ ಮೊತ್ತ 3280.43 ಬಿಲಿಯನ್‌ ರೂ. ಗೆ ಏರಿಕೆಯಾಗಿದೆ. ಆದರೆ ಈ ವರ್ಷದ ಜುಲೈ ತಿಂಗಳಿಗೆ ಹೋಲಿಸಿದರೆ ಅಗಸ್ಟ್‌ನಲ್ಲಿ ಬಳಕೆಯಾದ ಮೊಬೈಲ್‌ ಬ್ಯಾಂಕಿಂಗ್‌ ಪ್ರಮಾಣ ಕಡಿಮೆಯಾಗಿದೆ.

ಜುಲೈನಲ್ಲಿ 5631.40 ಬಿಲಿಯನ್‌ ರೂ., ಜೂನ್‌ನಲ್ಲಿ 4975.43 ಬಿಲಿಯನ್‌ ರೂ., ಮೇ ನಲ್ಲಿ 4850.08 ಬಿಲಿಯನ್‌ ರೂ. ಕೇವಲ ಮೊಬೈಲ್‌ ಬ್ಯಾಂಕಿಂಗ್‌ ಮೂಲಕ ಬಳಕೆಯಾಗಿದೆ.