ಸೌರ ಶಕ್ತಿ ಚಾಲಿತ “ಸನ್‌ಸ್ವಿಫ್ಟ್ 7′ಕಾರು ಸಂಶೋಧನೆ

ಮೆಲ್ಬರ್ನ್: ಆಸ್ಟ್ರೇಲಿಯಾದ ನ್ಯೂ ಸೌಥ್‌ ವೇಲ್ಸ್‌ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಸೌರಶಕ್ತಿ ಚಾಲಿತ ಎಲೆಕ್ಟ್ರಿಕ್‌ ಕಾರ್‌ ಅನ್ನು ಸಂಶೋಧಿಸಿದ್ದಾರೆ.

“ಸನ್‌ಸ್ವಿಫ್ಟ್ 7′ ಹೆಸರಿನ ಈ ಕಾರು ಒಮ್ಮೆ ಚಾರ್ಚ್‌ ಮಾಡಿದರೆ 1,000 ಕಿ.ಮೀ. ಚಲಿಸುವ ಅತ್ಯಂತ ವೇಗದ ಎಲೆಕ್ಟ್ರಿಕ್‌ ಕಾರು ಎಂಬ ದಾಖಲೆ ಬರೆದಿದೆ ಎಂದು ವಿವಿ ಅಧ್ಯಾಪಕರು ತಿಳಿಸಿದ್ದಾರೆ.

ಅಂದಾಜು ಗಂಟೆಗೆ 85 ಕಿ.ಮೀ. ವೇಗದಲ್ಲಿ ಕಾರು ಚಲಿಸಲಿದ್ದು, ಒಮ್ಮೆ ಚಾರ್ಜ್‌ ಮಾಡಿದರೆ 12 ಗಂಟೆಗಳು ಸತತವಾಗಿ ಚಲಿಸಲಿದೆ ಎಂದು ಅವರು ವಿವರಿಸಿದ್ದಾರೆ.

ನ್ಯೂ ಸೌಥ್‌ ವೇಲ್ಸ್‌ ವಿವಿಯ ಪ್ರೊ. ರಿಚರ್ಡ್‌ ಹಾಪ್ಕಿನ್ಸ್ ಅವರ ನೇತೃತ್ವದಲ್ಲಿ 50 ಪದವಿ ವಿದ್ಯಾರ್ಥಿಗಳು ಈ ಸೌರ ಶಕ್ತಿ ಚಾಲಿತ ಎಲೆಕ್ಟ್ರಿಕ್‌ ಕಾರನ್ನು ಸಂಶೋಧಿಸಿದ್ದಾರೆ.