ಸುಶೀಲ್‌ ಕುಮಾರ್‌ ಎಂದರೆ ಈಗಷ್ಟೇ ಚಿತ್ರರಂಗಕ್ಕೆ ನಾಯಕರಾಗಿ ಎಂಟ್ರಿಕೊಟ್ಟಿರುವವರು ಎನ್ನಬೇಕಷ್ಟೇ. ಸದ್ಯ ಸುಶೀಲ್‌ ಕುಮಾರ್‌ ಕೈಯಲ್ಲಿ “ವೀರ ಸಿಂಹ’ ಹಾಗೂ ಎಂ.ಡಿ.ಶ್ರೀಧರ್‌ ನಿರ್ದೇಶನದ ಇನ್ನೂ ಹೆಸರಿಡದ ಚಿತ್ರವಿದೆ. ಈ ಎರಡೂ ಚಿತ್ರಗಳಲ್ಲೂ ಸುಶೀಲ್‌ ನಾಯಕ.
Advertisement
ಅಂದಹಾಗೆ, ನಾಯಕ ಸುಶೀಲ್‌ ಕುಮಾರ್‌ ಅವರ ಮೂಲ ಹೆಸರು ಭಾನುಪ್ರಕಾಶ್‌. ಹಿರಿಯ ಸಂಗೀತ ನಿರ್ದೇಶಕ ಹಂಸಲೇಖ ಅವರು ಸುಶೀಲ್‌ ಕುಮಾರ್‌ ಎಂಬ ಹೆಸರು ಕೊಟ್ಟಿದ್ದರಿಂದ ಈಗ ಅದನ್ನೇ ಚಿತ್ರರಂಗದಲ್ಲಿ ಬಳಸುತ್ತಿದ್ದಾರೆ. ವೃತ್ತಿಯಲ್ಲಿ ಸಾಫ್ಟ್ವೇರ್‌ ಇಂಜಿನಿಯರ್‌ ಆಗಿರುವ ಸುಶೀಲ್‌, ಮೂರೂವರೆ ವರ್ಷಗಳ ಕಾಲ ಭಾರತೀಯ ಸೇನೆಯಲ್ಲಿ ಸೈನಿಕನಾಗಿ ಸೇವೆ ಸಲ್ಲಿಸಿದ್ದಾರಂತೆ. “ವೀರ ಸಿಂಹ’ ಚಿತ್ರದಲ್ಲಿ ಮೂರು ವಿಭಿನ್ನ ಶೇಡ್‌ಗಳಲ್ಲಿ ಸುಶೀಲ್‌ ಕಾಣಿಸಿಕೊಳ್ಳುತ್ತಿದ್ದು, ಅದಕ್ಕೆ ಬೇಕಾದ ಸಿದಟಛಿತೆಗಳನ್ನು ಮಾಡಿಕೊಳ್ಳುತ್ತಿದ್ದಾರಂತೆ. ಇನ್ನು, ಎಂ.ಡಿ.ಶ್ರೀಧರ್‌ ನಿರ್ದೇಶನದ ಚಿತ್ರದಲ್ಲಿ ಸಖತ್‌ ರಗಡ್‌ ಆಗಿರುವ ಪಾತ್ರ ಸಿಕ್ಕಿದ್ದು, ಯಶಸ್ವಿ ಸಿನಿಮಾಗಳನ್ನು ಕೊಟ್ಟ ನಿರ್ದೇಶಕರ ಸಿನಿಮಾದಲ್ಲಿ ಅವಕಾಶ ಸಿಕ್ಕ ಖುಷಿ ಸುಶೀಲ್‌ ಅವರಿಗಿದೆ. ಸಿನಿಮಾಕ್ಕೆ ಬಂದ ಕೂಡಲೇ ವೃತ್ತಿ ತೊರೆಯುವವರು ಅನೇಕರಿದ್ದಾರೆ.