Social Media Viral Video: ಮಹಾರಾಷ್ಟ್ರದಲ್ಲಿ ನಕಲಿ ಬೆಳ್ಳುಳ್ಳಿ ಪತ್ತೆ!

ಮುಂಬೈ: ಮಹಾರಾಷ್ಟ್ರದ ಅಕೋಲಾ ಜಿಲ್ಲೆಯಲ್ಲಿ ಸಿಮೆಂಟ್‌ನಲ್ಲಿ ತಯಾರಿಸಿದ ಬೆಳ್ಳುಳ್ಳಿ ದೊರೆತಿದ್ದು, ಈ ಕುರಿತ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಅಕೋಲಾದ ನಿವೃತ್ತ ಪೊಲೀಸ್‌ ಸಿಬ್ಬಂದಿಯೊಬ್ಬರು ತಮ್ಮ ಮನೆಗೆ ತಂದಿದ್ದ ಬೆಳ್ಳುಳ್ಳಿ ನೈಜವಲ್ಲವೆಂದು ತಿಳಿದ ಕಾರಣ ಸಿಮೆಂಟ್‌ನಿಂದ ಬೆಳ್ಳುಳ್ಳಿಯ ಆಕಾರ ನೀಡಿ ತಯಾರಿಸಿ ನಂತರ ಬಣ್ಣ ನೀಡಲಾಗಿರುವ ನಕಲಿ ಬೆಳ್ಳುಳ್ಳಿಯನ್ನು, ನೈಜ ಬೆಳ್ಳುಳ್ಳಿಯೊಡನೆ ಹೋಲಿಸಿ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ಮಾರುಕಟ್ಟೆಯಲ್ಲಿ ಬೆಳ್ಳುಳ್ಳಿ ಬೆಲೆ ಗಗನಕ್ಕೇರಿರುವ ಬೆನ್ನಲ್ಲೇ ಹೆಚ್ಚಿನ ಲಾಭಕ್ಕಾಗಿ ವ್ಯಾಪಾರಿಗಳು ಕಲಬೆರಕೆ ನಡೆಸುತ್ತಿರಬಹುದು ಎಂಬ ಶಂಕೆಯನ್ನು ಈ ವಿಡಿಯೋ ಹುಟ್ಟುಹಾಕಿದೆ.