ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ತಲೆಗೆ ಕೋಲು ಕಟ್ಟಿಕೊಂಡ ಮಹಿಳೆ

ಪ್ಯಾರಿಸ್‌: ಕೋವಿಡ್‌-19ಗೆ ಸದ್ಯ ಕಡಿವಾಣ ಹಾಕಲು ಇರುವ ಏಕೈಕ ಮಾರ್ಗವೆಂದರೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು. ಜನರು ಅಂತರ ಕಾಯ್ದುಕೊಳ್ಳಲು ಹೊಸ ಹೊಸ ತಂತ್ರ ಅನುಸರಿಸುತ್ತಿರುವುದು ಗಮನ ಸೆಳೆಯುತ್ತಿದೆ.

ಫ್ರಾನ್ಸ್ ನ ಮಹಿಳೆಯೊಬ್ಬಳು ತನ್ನ ತಲೆಗೆ ಅಡ್ಡವಾಗಿ 1 ಮೀ. ಉದ್ದದ ಕೋಲು ಕಟ್ಟಿಕೊಂಡು ತನ್ನ ಬಳಿ ಯಾರೂ ಬರದಂತೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುತ್ತಿದ್ದಾರೆ.

ತಾವು ಅಂತರ ಕಾಯ್ದುಕೊಳ್ಳಲು ಇಚ್ಚಿಸಿದರೂ ಇತರರು ತಮ್ಮ ಸಮೀಪ ಬರಬಹುದು ಅಥವಾ ನಮಗೆ ಅರಿವಿಲ್ಲದೆ ಇನ್ನೊಬ್ಬರ ಹತ್ತಿರ ತೆರಳಬಹುದು.

ಹಾಗಾಗಿ ಈ ಉಪಾಯವನ್ನು ಕಂಡುಕೊಂಡಿದ್ದೇನೆ ಎಂದು ಮಹಿಳೆ ಹೇಳಿದ್ದಾರೆ. ಆಕೆ ಪ್ಯಾರಿಸ್‌ ಬೀದಿಯಲ್ಲಿ ಓಡಾಡುವ ವಿಡಿಯೋವನ್ನು ಎಬಿಸಿ ನ್ಯೂಸ್‌ ಖಾತೆಯಲ್ಲಿ ಟ್ವೀಟ್‌ ಮಾಡಿದ್ದು, ಇದು ವೈರಲ್‌ ಆಗಿದೆ.