ಉಚ್ಚಾಟಿತ ತ್ರಿಪುರ ಟಿಎಂಸಿಯ 6 ಶಾಸಕರು ಆಗಸ್ಟ್‌ 7ರಂದು ಬಿಜೆಪಿಗೆ

ಅಗರ್ತಲಾ : ಎನ್‌ಡಿಎ ರಾಷ್ಟ್ರಪತಿ ಅಭ್ಯರ್ಥಿ ರಾಮನಾಥ್‌ ಕೋವಿಂದ್‌ ಅವರಿಗೆ ಮತ ಹಾಕಿದ ಕಾರಣಕ್ಕೆ ಉಚ್ಚಾಟನೆಗೊಂಡ ತ್ರಿಪುರ ತೃಣಮೂಲ ಕಾಂಗ್ರೆಸ್‌ನ ಆರು ಶಾಸಕರು ಆಗಸ್ಟ್‌ 7ರಂದು ಅಧಿಕೃತವಾಗಿ ಬಿಜೆಪಿ ಸೇರಲಿದ್ದಾರೆ. 

ತ್ರಿಪುರ ಟಿಎಂಸಿಯ ಈ ಆರು ಮಂದಿ ಉಚ್ಚಾಟಿತ ಶಾಸಕರು ನಾಳೆ ಶುಕ್ರವಾರ ದಿಲ್ಲಿಯಲ್ಲಿ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಅವರನ್ನು ಭೇಟಿ ಮಾಡಲಿದ್ದಾರೆ. ಈ ಶಾಸಕರ ಬಿಜೆಪಿ ಸೇರ್ಪಡೆಯನ್ನು ನಮ್ಮ ಕೇಂದ್ರ ನಾಯಕರು  ಈಗಾಗಲೇ ಅಂತಿಮಗೊಳಿಸಿದ್ದಾರೆ ಎಂದು ಬಿಜೆಪಿ ವಕ್ತಾರ ವಿಕ್ಟರ್‌ ಶೋಮ್‌ ತಿಳಿಸಿದ್ದಾರೆ. 

ಉಚ್ಚಾಟಿತ ಆರು ತ್ರಿಪುರ ಟಿಎಂಸಿ ಶಾಸಕರು ತಾವು ಕೋವಿಂದ್‌ ಅವರನ್ನು ಬೆಂಬಲಿಸುವುದಾಗಿ ಬಹಿರಂಗವಾಗಿ ಹೇಳಿದ್ದರು.