ಮಾವೋ ಸಿದ್ಧಾಂತದಿಂದ ಭ್ರಮನಿರಸನ: 6 ನಕ್ಸಲರ ಶರಣಾಗತಿ

ರಾಯಪುರ, ಛತ್ತೀಸ್‌ಗಢ : ತನ್ನ ತಲೆಗೆ ಮೂರು ಲಕ್ಷ ರೂ. ಇನಾಮು ಹೊಂದಿದ್ದ ಓರ್ವ ಸೆಕ್ಷನ್‌ ಕಮಾಂಡರ್‌ ಸಹಿತ ಆರು ಮಂದಿ ನಕ್ಸಲರು ಇಂದು ಛತ್ತೀಸ್‌ಗಢದ ಬಿಜಾಪುರ ಜಿಲ್ಲೆಯಲ್ಲಿ ಶರಣಾಗಿದ್ದು ಟೊಳ್ಳು ಮಾವೋವಾದಿ ಸಿದ್ಧಾಂತಗಳಿಂದ ತಾವು ನಿರಾಶರಾಗಿರುವುದರಿಂದ ಶರಣಾಗತರಾಗಿರುವುದಾಗಿ ಹೇಳಿದ್ದಾರೆ. 

ಶರಣಾಗತರಾಗಿರುವ ಆರು ಮಂದಿ ನಕ್ಸಲರ ಪೈಕಿ ಹಪ್‌ಕಾ ಪಾಯ್‌ಕು 25 ಎಂಬಾತ ಮಾವೋ ಉಗ್ರರ 13ನೇ ಪ್ಲಟೂನ್‌ ಮಿಲಿಟರಿಯ ಸೆಕ್ಷನ್‌ ಕಮಾಂಡರ್‌ ಆಗಿ ಕ್ರಿಯಾಶೀಲನಾಗಿದ್ದ. ಈತನ ತಲೆಗೆ 3 ಲಕ್ಷ ರೂ. ಇನಾಮು ಇತ್ತು ಎಂದು ಬಿಜಾಪುರದ ಎಸ್‌ಪಿ ಕೆ ಎಲ್‌ ಧ್ರುವ ತಿಳಿಸಿದ್ದಾರೆ. 

ಶರಣಾಗಿರುವ ಇತರ ನಕ್ಸಲರೆಂದರೆ ಮಾದ್ವೀ ಸೋನು 27, ಕಡ್ತಿ ಭೀಮಾ 25, ರಾಜು ರಾಮ ಮೋದಿಯಾಂ 22, ಪೋದಿಯಾಂ ಮೋದಿ 27 ಮತ್ತು ವೆಕೋ ಅಯ್ತು 27.