Sirsi: ಕೋಲ್ಕತಾ ಘಟನೆ ಖಂಡಿಸಿ ವೈದ್ಯರಿಂದ ಪಂಜಿನ ಮೆರವಣಿಗೆ

ಶಿರಸಿ: ಕೋಲ್ಕತಾ ದಲ್ಲಿ ವೈದ್ಯಕೀಯ ಕಾಲೇಜ್ ನಲ್ಲಿ ಸ್ನಾತಕೋತ್ತರ ವೈದ್ಯಕೀಯ ವಿದ್ಯಾರ್ಥಿನಿಯ ದಾರುಣ ಅತ್ಯಾಚಾರ ಮತ್ತು ಹತ್ಯೆಯನ್ನು ಹಾಗೂ ಅಲ್ಲಿನ ಆಡಳಿತದ ಅಸಡ್ಡೆಯನ್ನು ವಿರೋಧಿಸಿ ಶುಕ್ರವಾರ ಭಾರತೀಯ ವೈದ್ಯಕೀಯ ಸಂಘದ ನೇತೃತ್ವದಲ್ಲಿ ಪಂಜಿನ ಮೆರವಣಿಗೆ ಮೂಲಕ ಶುಕ್ರವಾರ ಸಂಜೆ ನಗರದಲ್ಲಿ ಪ್ರತಿಭಟನೆ ನಡೆಸಲಾಯಿತು.

ವಿವಿಧ ಸಂಘಟನೆಗಳು ನಗರದ ಪ್ರಮುಖ ಮಾರ್ಗದಲ್ಲಿ ನಡೆದ ಈ ಪ್ರತಿಭಟನಾ ಜಾಥಾಕ್ಕೆ ಸಹಕಾರ ನೀಡಿದ್ದವು.

ಭಾರತೀಯ ವೈದ್ಯಕೀಯ ಸಂಘದ ಕರೆಯ ಮೇರೆಗೆ ದೇಶಾದ್ಯಂತ ಶನಿವಾರ (ಆ. 17) ಒಂದು ದಿನ ತುರ್ತು ಚಿಕಿತ್ಸೆಗಳನ್ನು ಹೊರತುಪಡಿಸಿ ಎಲ್ಲ ಇತರ ವೈದ್ಯಕೀಯ ಸೇವೆಗಳು ಸ್ಥಗಿತಗೊಳಿಸುವುದಾಗಿ ನಿರ್ಧಾರ ಮಾಡಲಾಗಿದೆ.