Sirsi- Kumta road; ರವಿವಾರದಿಂದ ಸಂಚಾರಕ್ಕೆ‌ ಬಹುತೇಕ ಸಿದ್ದ

ಶಿರಸಿ: ಕಳೆದ‌ ಸೋಮವಾರ ರಾತ್ರಿಯಿಂದ ಕಡಿತಗೊಂಡಿದ್ದ ಕುಮಟಾ- ಶಿರಸಿ‌ NH 766E ಮಾರ್ಗದ ಸಂಪರ್ಕ ರವಿವಾರದಿಂದ ಬಹುತೇಕ ಆರಂಭವಾಗುವದು‌ ಖಚಿತವಾಗಿದೆ.

ರಾಗಿಹೊಸಳ್ಳಿ ಬಳಿ ಕುಸಿದ ಧರೆಯ ಕಾರಣದಿಂದ ಆರು ದಿನಗಳಿಂದ ಬಂದ್ ಆಗಿತ್ತು. ಸಾಗರ ‌ಮಾಲಾ ಯೋಜನೆಯ ಅಡಿಯಲ್ಲಿ ಗುತ್ತಿಗೆ ಪಡೆದ ಆರ್ ಎನ್ ಎಸ್ ಕಂಪನಿ ಹಾಗೂ ತಾಲೂಕು ಆಡಳಿತ ಬಿದ್ದ ಮಣ್ಣು ಹಾಗೂ ಮರದ ತೆರವು‌ ಮಾಡಿತ್ತು. ಶುಕ್ರವಾರ ಮತ್ತೆ‌ ಮಣ್ಣು ಜರಿದಿದ್ದರಿಂದ ಸಮಸ್ಯೆ ಆಗಿತ್ತು.

ಶನಿವಾರ ಶಾಸಕ ಭೀಮಣ್ಣ ನಾಯ್ಕ ಅವರೂ ಸ್ಥಳ ವೀಕ್ಷಣೆ ಮಾಡಿದರು. ಪೊಲೀಸ್ ಅಧಿಕಾರಿಗಳು, ಗುತ್ತಿಗೆ ಪಡೆದ‌ ಕಂಪನಿ, ತಾಲೂಕು ಆಡಳಿತ ಜೊತೆ ಸಮಾಲೋಚನೆ ನಡೆಸಿ ಹಲವು ಸೂಚನೆ‌ ನೀಡಿದರು.

ಈ ಮಧ್ಯೆ ರವಿವಾರದಿಂದ ವಾಹನ ಓಡಾಟಕ್ಕೆ ತೆರವಾದರೂ ನಿಧಾನವಾಗಿ ಓಡಿಸಬೇಕಾಗಿದೆ. ಮಳೆ ಅಧಿಕವಾದರೆ ಹಲವಡೆ‌ ಇನ್ನೂ ಮಣ್ಣು ಜರಿಯುವ ಸಾಧ್ಯೆತೆಗಳಿವೆ.