ಧರೆ‌ ಕುಸಿತ; ಶಿರಸಿ-ಕುಮಟಾ ರಸ್ತೆ ಸಂಚಾರ ಬಂದ್

ಶಿರಸಿ: ಸಾಗರಮಾಲಾ ಯೋಜನೆಯಲ್ಲಿ ಅಭಿವೃದ್ದಿಗೊಳ್ಳುತ್ತಿರುವ ಶಿರಸಿ ಕುಮಟಾ ರಸ್ತೆಯ ರಾಗಿಹೊಸಳ್ಳಿ ಬಳಿ ಧರೆ‌ ಕುಸಿದು ಧರೆಯ ಮೇಲಿನ ಮರ ಸಂಚಾರ ಮಾಡುತ್ತಿದ್ದ ಬಸ್ಸೊಂದರ‌ ಮೇಲೆ‌ ಬಿದ್ಧ ಪರಿಣಾಮ ಸಂಚಾರ ಸಂಪೂರ್ಣ ಸ್ಥಗಿತಗೊಂಡ ಘಟನೆ ಭಾನುವಾರ ರಾತ್ರಿ ನಡೆದಿದೆ.

ರಾಗಿಹೊಸಳ್ಳಿ ಬಳಿ ಈ ಘಟನೆ‌ ನಡೆದಿದ್ದು ಬಸ್ಸಿನಲ್ಲಿ ಇದ್ದವರಿಗೆ ಯಾವುದೇ ಪ್ರಾಣಾಪಾಯ ಆಗಿಲ್ಲವಾಗಿದೆ. ಆದರೆ, ಸಂಚಾರ ಬಂದ್ ಆದ ಪರಿಣಾಮ‌ ನೂರಕ್ಕೂ ಅಧಿಕ ವಾಹನಗಳು ರಸ್ತೆಯ ಎರಡೂ ಪಕ್ಕದಲ್ಲಿ ಸಾಲುಗಟ್ಟಿವೆ.

ರಸ್ತೆ ಕಾಮಗಾರಿ ನಿರ್ವಹಿಸುತ್ತಿರುವ ಮುರುಡೇಶ್ವರ ಕಂಪನಿ, ಅರಣ್ಯ ಇಲಾಖೆ, ಕಂದಾಯ ಇಲಾಖೆ ಅಧಿಕಾರಿಗಳು ಹಾಗೂ ಸ್ಥಳೀಯರು ಮರ ಹಾಗೂ ಧರೆ ತೆರವುಗೊಳಿಸಲು ಶ್ರಮಿಸುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ.