Advertisement
‘ಯಾವುದೋ ಒಂದು ಕವರ್‌ನಲ್ಲಿ ದೊಡ್ಡ ಕ್ಯಾಶ್‌ ಬಹುಮಾನ ಇದೆ, ಅದನ್ನು ಗೆಲ್ಲೋಕೆ ಲಕ್‌ ಬೇಕು’ ಎಂದು ಹೇಳುತ್ತಾ ಮೊದಲನೆಯವನ ಕೈಗೆ ಕವರ್‌ಗಳನ್ನು ಕೊಡುತ್ತಾನೆ. ಆತ ಮಾಡಬೇಕಾದುದು ಇಷ್ಟೆ-ಎಂ ಓ ಎನ್‌ ಇ ವೈ- ಮನಿ (money) ಎಂದು ಸ್ಪೆಲ್ಲಿಂಗ್‌ ಹೇಳುತ್ತಾ ಒಂದು ಅಕ್ಷರಕ್ಕೆ ಒಂದೊಂದು ಕವರನ್ನು ಮೇಲಿನಿಂದ ಕೆಳಕ್ಕೆ ಇಡುತ್ತಾ ಹೋಗಬೇಕು. ಕೊನೆಯ ವೈ ಅಕ್ಷರಕ್ಕೆ ಬರುವ ಕವರನ್ನು ತಾನು ಇಟ್ಟುಕೊಂಡು ಉಳಿದ ನಾಲ್ಕು ಕವರ್‌ಗಳನ್ನು ಎರಡನೆಯವನಿಗೆ ಕೊಡಬೇಕು. ಇದೇ ರೀತಿ ಎರಡು, ಮೂರು ಮತ್ತು ನಾಲ್ಕನೆಯವನು ವೈ ಅಕ್ಷರಕ್ಕೆ ಬರುವ ಕವರನ್ನು ಆರಿಸಿಕೊಂಡ ಬಳಿಕ ಒಂದು ಕವರ್‌ ಉಳಿಯುತ್ತದೆ. ಅದನ್ನು ಜಾದೂಗಾರ ತೆಗೆದುಕೊಳ್ಳುತ್ತಾನೆ.
ನೋಟು ಇಟ್ಟ ಕವರಿನ ಮೂಲೆಯಲ್ಲಿ ಪೆನ್ಸಿಲಿನಿಂದ ಒಂದು ಸಣ್ಣ ಗುರುತು ಮಾಡಿರಬೇಕು (ಚಿತ್ರ ನೋಡಿ). ಮೇಲೆ ಕೆಳಗೆ ಮಾಡಿದ ನಂತರ ಕವರ್‌ಗಳನ್ನು ಮೊದಲನೆಯವನಿಗೆ ಕೊಡಬೇಕಾದರೆ ಮಾತಾಡುತ್ತಾ ಇರುವಾಗ ಗುರುತಿನ ಕವರನ್ನು ಮೇಲಿನಿಂದ ಎರಡನೇ ಸ್ಥಾನಕ್ಕೆ ಬರುವಂತೆ ಉಪಾಯವಾಗಿ ಜೋಡಿಸಬೇಕು. ಆದರೆ ಯಾರೂ ಕವರ್‌ಗಳನ್ನು ಸ್ಥಾನಪಲ್ಲಟ ಮಾಡದಂತೆ ಜಾಗ್ರತೆ ವಹಿಸಬೇಕು.