ಟ್ರಂಪ್‌ ಭದ್ರತೆಗೆ ಸಿಕ್ಖ್ ವ್ಯಕ್ತಿ 

ನ್ಯೂಯಾರ್ಕ್‌: ಪಂಜಾಬ್‌ ಮೂಲದ ಅನ್ಶ್ ದೀಪ್‌ ಸಿಂಗ್‌ ಭಾಟಿಯಾ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ರ ಭದ್ರತಾ ಸಿಬಂದಿಯ ತಂಡಕ್ಕೆ ನೇಮಕವಾಗಿದ್ದಾರೆ. ಇದೇ ಮೊದಲ ಬಾರಿಗೆ ಸಿಕ್ಖ್ ಸಮುದಾಯದ ವ್ಯಕ್ತಿ ಇಂಥ ಹುದ್ದೆಗೆ ಏರಿದ್ದಾರೆ.

ಈ ಬಗ್ಗೆ ಅವರು ಬಾಲ್ಯದಲ್ಲಿಯೇ ಕನಸು ಕಂಡಿದ್ದರು. ಆದರೆ ಹುದ್ದೆಗೆ ಅರ್ಜಿ ಹಾಕುವ ಸಂದರ್ಭದಲ್ಲಿ ಆಕ್ಷೇಪ ವ್ಯಕ್ತಪಡಿಸಲಾಗಿತ್ತು. ಕಾನೂನು ಸಮರದ ಬಳಿಕ ಅವರಿಗೆ ಜಯಸಿಕ್ಕಿತ್ತು. 2 ಸಾವಿರನೇ ಇಸ್ವಿಯಲ್ಲಿ ಅವರ ತಂದೆ ಮತ್ತು ತಾಯಿ ಅಮೆರಿಕಕ್ಕೆ ವಲಸೆ ಹೋಗಿದ್ದರು. 1984ರ ಸಿಕ್ಖ್ ವಿರೋಧಿ ದಂಗೆಯಲ್ಲಿ ಭಾಟಿಯಾರ ಕುಟುಂಬ ಸದಸ್ಯರು ಅಸುನೀಗಿದ್ದರು.