ಮುಂಬಯಿ: ಡಿಸೆಂಬರ್‌ ಅಂತ್ಯದ ವೇಳೆ ವೇಳೆ ಇಂಡಿಯನ್‌ ಸಿನಿರಂಗದಲ್ಲಿ ದೊಡ್ಡ ಸಿನಿಮಾಗಳು ರಿಲೀಸ್ ಆಗಲಿವೆ. ಇದರಲ್ಲಿ ಬಾಲಿವುಡ್‌ ನಲ್ಲೂ ಬಹು ನಿರೀಕ್ಷಿತ ಸಿನಿಮಾಗಳು ತೆರೆ ಕಾಣಲಿವೆ.
ಬಿಟೌನ್‌ ನಲ್ಲಿ ಬಾಕ್ಸ್‌ ಆಫೀಸ್‌ ನಲ್ಲಿ ದಂಗಲ್ ಎದುರಾಗುವುದು ಹೊಸತಲ್ಲ. ಡಿಸೆಂಬರ್‌ ಅಂತ್ಯದ ವೇಳೆಗೆ ಸಿದ್ಧಾರ್ಥ್ ಮಲ್ಹೋತ್ರಾ ಅವರ ʼಯೋಧʼ ಹಾಗೂ ಕತ್ರಿನಾ ಕೈಫ್‌ – ವಿಜಯ್‌ ಸೇತುಪತಿ ಅವರ ʼ ಮೇರಿ ಕ್ರಿಸ್ಮಸ್‌ʼ ಸಿನಿಮಾ ರಿಲೀಸ್ ಆಗುವುದಾಗಿ ಅನೌನ್ಸ್‌ ಆಗಿದ್ದವು. ಇದು ಬಿಟೌನ್‌ ನಲ್ಲಿ ದೊಡ್ಡ ಬಾಕ್ಸ್‌ ಆಫೀಸ್‌ ಕದನವೆಂದು ಹೇಳಲಾಗುತ್ತಿತ್ತು.
ಪುಷ್ಕರ್ ಓಜಾ, ಸಾಗರ್ ಅಂಬ್ರೆ ನಿರ್ದೇಶನದ ʼಯೋಧʼ ಸಿನಿಮಾದ ರಿಲೀಸ್ ಡೇಟ್‌ ಮತ್ತೆ ಮುಂದೂಡಿಕೆ ಆಗಿದೆ. ಆ ಮೂಲಕ ಬಾಕ್ಸ್‌ ಆಫೀಸ್‌ ದಂಗಲ್ ತಪ್ಪಿದಂತಾಗಿದೆ. ಈ ಮೊದಲು ಡಿಸೆಂಬರ್‌ 8 ರಂದು ʼಯೋಧʼ ರಿಲೀಸ್ ಆಗುವುದಾಗಿ ಸಿನಿಮಾ ತಂಡ ಅನೌನ್ಸ್‌ ಮಾಡಿತ್ತು. ಅದೇ ದಿನ ವಿಜಯ್‌ ಸೇತುಪತಿ, ಕತ್ರಿನಾ ಅವರ ʼಮೇರಿ ಕ್ರಿಸ್ಮಸ್‌ʼ ರಿಲೀಸ್ ಆಗುವುದಿತ್ತು.
ಆ್ಯಕ್ಷನ್ – ಥ್ರಿಲ್ಲರ್‌ ʼಯೋಧʼ 2024 ರ ಮಾರ್ಚ್‌ 15 ರಂದು ರಿಲೀಸ್ ಆಗಲಿದೆ ಎಂದು ಚಿತ್ರತಂಡ ಅನೌನ್ಸ್‌ ಮಾಡಿದೆ.
ಈ ಚಿತ್ರದಲ್ಲಿ ದಿಶಾ ಪಟಾನಿ , ರಾಶಿ ಖನ್ನಾ ಮುಂತಾದವರು ಕಾಣಿಸಿಕೊಳ್ಳಲಿದ್ದಾರೆ.
ಶ್ರೀರಾಮ್ ರಾಘವನ್ ನಿರ್ದೇಶನದ ʼ ಮೇರಿ ಕ್ರಿಸ್ಮಸ್‌ʼ ಡಿ. 8 ರಂದು ರಿಲೀಸ್ ಆಗಲಿದೆ.
