ಭದ್ರಾ ನದಿಗೆ ಸಿದ್ಧಾರ್ಥ ಅಸ್ಥಿ ವಿಸರ್ಜನೆ

ಬಾಳೆಹೊನ್ನೂರು: ಇತ್ತೀಚೆಗೆ ನಿಧನರಾದ ಉದ್ಯಮಿ ಸಿದ್ಧಾರ್ಥ ಅವರ ಅಸ್ಥಿಯನ್ನು ಶುಕ್ರವಾರ ಶ್ರೀ ಖಾಂಡ್ಯ ಕ್ಷೇತ್ರದ ಭದ್ರಾ ನದಿ ದಡದಲ್ಲಿ ವಿಸರ್ಜನೆ ಮಾಡಲಾಯಿತು.

ಖಾಂಡ್ಯದ ಶ್ರೀ ತ್ರಯಂಬಕ ಮೃತ್ಯುಂಜಯ ಮಾರ್ಕಂಡೇಶ್ವರಸ್ವಾಮಿ ದೇವಸ್ಥಾನದ ಬಳಿಯ ಭದ್ರಾ ನದಿ ದಡದಲ್ಲಿ ಅಸ್ಥಿ ವಿಸರ್ಜನೆ ಕಾರ್ಯ ನಡೆಯಿತು. ಸಿದ್ಧಾರ್ಥ ಅವರ ಪುತ್ರರಾದ ಅಮರ್ಥಯ ಹಾಗೂ ಇಶಾನ್‌ ಧಾರ್ಮಿಕ ವಿಧಿವಿಧಾನಗಳನ್ನು ನಡೆಸಿ ನಂತರ ಅಸ್ಥಿ ವಿಸರ್ಜಿಸಿದರು.

ಪತ್ನಿ, ಹಾಗೂ ಕುಟುಬಸ್ಥರು ಮತ್ತು ಶೃಂಗೇರಿ ಕ್ಷೇತ್ರದ ಶಾಸಕ ಟಿ.ಡಿ.ರಾಜೇಗೌಡ, ದೇವಸ್ಥಾನ ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಎಸ್‌.ವಿ. ಮಂಜುನಾಥ್‌ ಸೇರಿದಂತೆ ಅಭಿಮಾನಿಗಳು ಪಾಲ್ಗೊಂಡಿದ್ದರು. ಮಂಜುನಾಥ್‌ ಭಟ್ ಹಾಗೂ ಪ್ರಸಾದ್‌ ಭಟ್ ಅವರ ನೇತೃತ್ವದಲ್ಲಿ ಧಾರ್ಮಿಕ ವಿಧಿ ವಿಧಾನ ನಡೆಯಿತು.