Siddapura: ಕಂಟೇನರ್‌ ಲಾರಿ ಒಳರಸ್ತೆಗೆ ಬರದಿದ್ದಕ್ಕೆ ಚಾಲಕನಿಗೆ ಹಲ್ಲೆ

ಸಿದ್ದಾಪುರ: ಗೋವಿಂದ ಅವರ ಮನೆಗೆ ಫ್ಲೈವುಡ್‌ ಡೋರ್‌ ಲೋಡ್‌ ಮಾಡಿಕೊಂಡಿದ್ದ ಕಂಟೇನರ್‌ ಲಾರಿ ಸಿದ್ದಾಪುರ ಗ್ರಾಮದ ಜನ್ಸಾಲೆಯ ಒಳರಸ್ತೆಗೆ ಬರಲಿಲ್ಲ ಎಂದು ಚಾಲಕ ವಸಂತ್‌ (43) ಅವರಿಗೆ ಹಲ್ಲೆ ಮಾಡಿದ ಬಗ್ಗೆ ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಜನ್ಸಾಲೆಯ ಮುಖ್ಯ ರಸ್ತೆಯಿಂದ ಒಳ ರಸ್ತೆಗೆ ಕಂಟೇನರ್‌ ಲಾರಿ ಬರುವಂತೆ ಗೋವಿಂದ ಅವರ ಮಗ ವಿಶ್ವ ಅವರು ಹೇಳಿದರು. ಚಾಲಕ ವಸಂತ ಅವರು ವಿದ್ಯುತ್‌ ಲೈನ್‌ಗಳು ಲಾರಿಗೆ ತಡೆಯುತ್ತದೆ. ಬೇರೆ ವಾಹನದಲ್ಲಿ ಫ್ಲೈವುಡ್‌ ಡೋರ್‌ ಲೋಡ್‌ ಮಾಡಿಕೊಂಡು ಬರುವುದಾಗಿ ಹೇಳಿ ಲಾರಿ ಚಾಲನೆ ಮಾಡಿದ್ದರು.

ಈ ಸಂದರ್ಭದಲ್ಲಿ ಶೇಖರ, ಓರ್ವ ವ್ಯಕ್ತಿ ಮತ್ತು ಮಹಿಳೆ ಲಾರಿಯನ್ನು ತಡೆದು, ಹಲ್ಲೆ ಮಾಡುವ ಮೂಲಕ ಲಾರಿಯ ಮಿರರನ್ನು ಒಡೆದು ಹಾಕಿದ್ದಾರೆ ಎಂದು ಚಾಲಕ ವಸಂತ್‌ ಅವರು ದೂರಿನಲ್ಲಿ ತಿಳಿಸಿದ್ದಾರೆ. ಹಲ್ಲೆಗೆ ಒಳಗಾದ ಚಾಲಕ ಕುಂದಾಪುರ ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.