ಶ್ರೀರಾಮ್‌ ಮಹಾಜನ್‌ಅವರಿಗೆ ರಾಜ್ಯಮಟ್ಟದ ಪ್ರಶಸಿ

ಮುಂಬಯಿ, ಜ. 25: ಚೆಂಬೂರು ಕರ್ನಾಟಕ ಸಂಘ ಸಂಚಾಲಿತ ಚೆಂಬೂರು ಕರ್ನಾಟಕ ಹೈಸ್ಕೂಲ್‌ರ ಕಲಾ ಶಿಕ್ಷಕರಾದ ಶ್ರೀರಾಮ್‌ ಮಹಾಜನ್‌ ಅವರಿಗೆ ಸಾಯಿ ಅರ್ಪಣಾ ಫೌಂಡೇಷನ್‌ ಆಯೋಜಿಸಿದ ಮಹಾರಾಷ್ಟ್ರ ಸಮ್ಮಾನ್‌ ಪ್ರಶಸ್ತಿ ಲಭಿಸಿದೆ.

ಜ. 9 ರಂದು ಶಿರ್ಡಿಯ ಜೆ. ಕೆ. ಪಾಲೇಸ್‌ ಸಭಾಂಗಣದಲ್ಲಿ ನಡೆದ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಮಹಾಜನ್‌ ಅವರಿಗೆ ಈ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು. ಸಮಾಜ ಸೇವಕ ಸೋಮನಾಥ ಗಾಯಕ್ವಾಡ್‌ ಅವರು ಈ ಪ್ರಶಸ್ತಿಯನ್ನು ಪ್ರಧಾನಿಸಿದರು. ಪ್ರಶಸ್ತಿಯು ಫಲಕ ಹಾಗೂ ಪ್ರಶಸ್ತಿ ಪತ್ರವನ್ನು ಒಳಗೊಂಡಿತ್ತು. ಮಹಾಜನ್‌ ಅವರು ಚಿತ್ರಕಲಾ ಕ್ಷೇತ್ರಕ್ಕೆ ಸಲ್ಲಿಸಿದ ಸೇವೆಗಾಗಿ ಈ ಪ್ರಶಸ್ತಿಯನ್ನು ಪ್ರದಾನಿಸಲಾಯಿತು. ಮಹಾಜನ್‌ ಅವರ ಸಾಧನೆಗೆ ಚೆಂಬೂರು ಕರ್ನಾಟಕ ಸಂಘದ ಅಧ್ಯಕ್ಷ, ನ್ಯಾಯವಾದಿ ಎಚ್‌. ಕೆ. ಸುಧಾಕರ, ಶಾಲೆಯ ಮುಖ್ಯ ಶಿಕ್ಷಕ ರಾಜಿ ರಮೇಶ್‌ ಹಾಗೂ ಸಂಘದ ಕಾರ್ಯಕಾರಿ ಸಮಿತಿಯ ಪದಾಧಿಕಾರಿಗಳು ಅಭಿನಂದಿಸಿದ್ದಾರೆ.