ಭುಜದ ನೋವು; ಕೇನ್‌ಗೆ ಸ್ಕ್ಯಾನ್‌

ವೆಲ್ಲಿಂಗ್ಟನ್‌: ಬಾಂಗ್ಲಾದೇಶದ ವಿರುದ್ಧ ಎರಡನೇ ಟೆಸ್ಟ್‌ ಪಂದ್ಯದ ವೇಳೆ ಭುಜದ ನೋವಿಗೆ ತುತ್ತಾಗಿರುವ ನ್ಯೂಜಿಲ್ಯಾಂಡ್‌ ನಾಯಕ ಕೇನ್‌ ವಿಲಿಯಮ್ಸನ್‌ ಸ್ಕ್ಯಾನಿಂಗ್‌ ಪರೀಕ್ಷೆಗೆ ಒಳಗಾಗಿದ್ದಾರೆ.

ವಿಲಿಯಮ್ಸನ್‌ ಫೀಲ್ಡಿಂಗ್‌ ನಡೆಸುತ್ತಿದ್ದ ವೇಳೆ ಭುಜದ ನೋವಿಗೆ ಸಿಲುಕಿದ್ದರು. ಆದರೂ 3ನೇ ದಿನದ ಕೊನೆಯಲ್ಲಿ ಬ್ಯಾಟಿಂಗಿಗೆ ಇಳಿದಿದ್ದರು. 4ನೇ ದಿನವೂ ಬ್ಯಾಟಿಂಗ್‌ ಮುಂದುವರಿಸಿದ್ದರು. ಟಯ್ಲರ್‌ ಜತೆಗೂಡಿ 3ನೇ ವಿಕೆಟಿಗೆ 172 ರನ್‌ ಜತೆಯಾಟ ನಡೆಸಿದ್ದರು. ಈ ವೇಳೆ ನೋವು ಕಾಣಿಸಿಕೊಂಡಿದ್ದರಿಂದ ಮುಂಜಾಗ್ರತಾ ಕ್ರಮವಾಗಿ ಆಸ್ಪತ್ರೆಗೆ ತೆರಳಿದ ವಿಲಿಯಮ್ಸನ್‌ ಸ್ಕ್ಯಾನಿಂಗ್‌ಗೆ ಒಳಗಾದರು.