Shooting; ತಡವಾಗಿ ಬಂದ ಉಮೇಶ್‌ಗೆ ತಪ್ಪಿತು ಫೈನಲ್‌

ಲಿಮಾ (ಪೆರು): ಐಎಸ್‌ಎಸ್‌ಎಫ್ ಕಿರಿಯರ ಶೂಟಿಂಗ್‌ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಉಮೇಶ್‌ ಚೌಧರಿ ಅವರಿಗೆ ಫೈನಲ್‌ ಅವಕಾಶ ತಪ್ಪಿಹೋಗಿದೆ. ತಡವಾಗಿ ಸ್ಪರ್ಧೆಗೆ ಹಾಜರಾದ್ದರಿಂದ ಅವರಿಗೆ 2 ಅಂಕಗಳನ್ನು ದಂಡವಾಗಿ ನೀಡಿದ್ದೇ ಇದಕ್ಕೆ ಕಾರಣ.

ಈ ಕೂಟದ ಪುರುಷರ 10 ಮೀ. ಏರ್‌ ಪಿಸ್ತೂಲ್‌ ಸ್ಪರ್ಧೆಯ ಅರ್ಹತಾ ಸುತ್ತಿನಲ್ಲಿ ಉಮೇಶ್‌ ಚೌಧರಿ 580 ಅಂಕಗಳೊಂದಿಗೆ 3ನೇ ಸ್ಥಾನ ಪಡೆಯುತ್ತಿದ್ದರು. ಆದರೆ ಅವರಿಗೆ 2 ಅಂಕವನ್ನು ದಂಡವಾಗಿ ನೀಡಿದ್ದರಿಂದ 6ನೇ ಸ್ಥಾನಕ್ಕೆ ಕುಸಿದರು. ಒಂದು ವೇಳೆ ಚೌಧರಿ ಫೈನಲ್‌ಗೇರಿದ್ದರೆ ಖಂಡಿತವಾಗಿಯೂ ಪದಕ ಗೆಲ್ಲುವ ಅವಕಾಶವಿತ್ತು. ಆದರೆ ತಡವಾಗಿ ಬಂದವರಿಗೆ ದಂಡ ವಿಧಿಸಲು ನಿಯಮದಲ್ಲಿ ಅವಕಾಶವಿದೆ. ಹೀಗಾಗಿ ಭಾರತಕ್ಕೆ ಸಂಭಾವ್ಯ ಪದಕವೊಂದು ಕೈತಪ್ಪಿದೆ.