Advertisement
ಭಾರತಕ್ಕೆ ದಿನದ ಮೊದಲ ಪದಕ ದಿಲ್ಲಿಯ ದೀಪಕ್‌ ಕುಮಾರ್‌ ಅವರಿಂದ ಬಂತು. ಅವರು 10 ಮೀ. ರೈಫ‌ಲ್‌ ಸ್ಪರ್ಧೆಯಲ್ಲಿ 247.7 ಅಂಕ ಗಳಿಸಿ ದ್ವಿತೀಯ ಸ್ಥಾನ ಅಲಂಕರಿಸಿದರು. ಹಾಲಿ ಚಾಂಪಿಯನ್‌, ಚೀನದ ಯಾಂಗ್‌ ಹೊರಾನ್‌ ಕಣದಲ್ಲಿದ್ದುದರಿಂದ ಈ ಸ್ಪರ್ಧೆ ಅತ್ಯಂತ ಕಠಿನವಾಗಿತ್ತು. ನಿರೀಕ್ಷೆಯಂತೆ ಹೊರಾನ್‌ ಅವರೇ ಚಿನ್ನದ ಬೇಟೆಯಾಡಿದರು (249.1 ಅಂಕ). ಚೈನೀಸ್‌ ತೈಪೆಯ ಲು ಶೊಶುವಾನ್‌ ಕಂಚು ಪಡೆದರು (226.8 ಅಂಕ).
ರವಿವಾರ ಭಾರತಕ್ಕೆ ಮೊದಲ ಏಶ್ಯಾಡ್‌ ಪದಕ ತಂದಿತ್ತ ರವಿ ಕುಮಾರ್‌ ಕೂಡ ಫೈನಲ್‌ ಸ್ಪರ್ಧೆಯಲ್ಲಿದ್ದರು. ಆದರೆ ಅವರು 5ನೇ ಸ್ಥಾನಕ್ಕೆ ಕುಸಿದು ಪದಕ ವಂಚಿತರಾದರು. 60 ಶಾಟ್‌ಗಳ ಅರ್ಹತಾ ಸುತ್ತಿನಲ್ಲಿ ದೀಕಪ್‌ 4ನೇ, ರವಿ 5ನೇ ಸ್ಥಾನದಲ್ಲಿದ್ದರು. ಇವರಿಬ್ಬರೂ ಭಾರತೀಯ ವಾಯುಸೇನೆಯಲ್ಲಿ ಉದ್ಯೋಗಿಗಳಾಗಿದ್ದು, ಉತ್ತಮ ಗೆಳೆಯರೂ ರೂಮ್‌ಮೇಟ್‌ಗಳೂ ಆಗಿದ್ದಾರೆ.
Related Articles
Advertisement
ಲಕ್ಷಯ್‌-ಸಂಧು ಪೈಪೋಟಿಪುರುಷರ ಟ್ರ್ಯಾಪ್‌ ಶೂಟಿಂಗ್‌ನಲ್ಲಿ ಭಾರತದ 19ರ ಹರೆಯದ ಲಕ್ಷಯ್‌ ರಜತ ಪದಕ ಗೆಲ್ಲುವ ಮೂಲಕ ಮೊದ ಬಾರಿಗೆ ಎಲ್ಲರ ಲಕ್ಷ್ಯವನ್ನು ತನ್ನತ್ತ ಸೆಳೆದರು. ಆದರೆ ಭಾರತದ ಸೀನಿಯರ್‌ ಶೂಟರ್‌ ಮಾನವ್‌ಜೀತ್‌ ಸಿಂಗ್‌ ಸಂಧು ಇದೇ ವಿಭಾಗದಲ್ಲಿ 4ನೆಯವರಾಗಿ ಪದಕ ಕಳೆದುಕೊಳ್ಳಬೇಕಾಯಿತು. ಅರ್ಹತಾ ಸುತ್ತಿನಲ್ಲಿ ಸಂಧು 119 ಅಂಕ (ಶೂಟ್‌ ಆಫ್ನಲ್ಲಿ 12 ಅಂಕ) ಸಂಪಾದಿಸಿ ಅಗ್ರಸ್ಥಾನದ ಗೌರವ ಸಂಪಾದಿಸಿದ್ದರು. ಇಲ್ಲಿ ಲಕ್ಷಯ್‌ 4ನೆಯವರಾಗಿದ್ದರು (119 ಅಂಕ, ಶೂಟ್‌ ಆಫ್ನಲ್ಲಿ 0). ಫೈನಲ್‌ನಲ್ಲಿ ಲಕ್ಷಯ್‌ ಆರಂಭ ಅಮೋಘ ಮಟ್ಟದಲ್ಲಿತ್ತು. ಮೊದಲ ಸುತ್ತಿನ 15 ಟಾರ್ಗೆಟ್‌ಗಳಲ್ಲಿ 14ರಲ್ಲಿ ಗುರಿ ಮುಟ್ಟಿದ್ದರು. ಆದರೆ ಸಂಧುಗೆ 11ರಲ್ಲಷ್ಟೇ ಯಶಸ್ಸು ಸಿಕ್ಕಿತ್ತು. 25 ಶಾಟ್ಸ್‌ ಮುಗಿದಾಗ ಲಕ್ಷಯ್‌-ಸಂಧು ತಲಾ 21 ಅಂಕಗಳೊಂದಿಗೆ ಸಮಬಲದಲ್ಲಿದ್ದರು. 30 ಶಾಟ್ಸ್‌ ಮುಗಿದಾಗ ಕಣದಲ್ಲಿದ್ದ ನಾಲ್ವರಲ್ಲಿ ಇಬ್ಬರು ಭಾರತೀಯರೇ ಆಗಿದ್ದರು. ಹೀಗಾಗಿ ಭಾರತಕ್ಕೆ ಅವಳಿ ಪದಕದ ನಿರೀಕ್ಷೆ ಇತ್ತು.
ಈ ಹಂತದಲ್ಲಿ ಲಕ್ಷಯ್‌ ತಮ್ಮ ದ್ವಿತೀಯ ಸ್ಥಾನವನ್ನು ಗಟ್ಟಿಗೊಳಿಸುತ್ತ ಹೋದರೆ, ಸಂಧು ನಾಲ್ಕರಲ್ಲೇ ಉಳಿದರು. ಒಟ್ಟು 50 ಶಾಟ್‌ಗಳ ಫೈನಲ್‌ ಸ್ಪರ್ಧೆಯಲ್ಲಿ ಲಕ್ಷಯ್‌ 43ರಲ್ಲಿ ಯಶಸ್ಸು ಸಾಧಿಸಿದರೆ, ಚೈನೀಸ್‌ ತೈಪೆಯ ಕುನಿ³ ಯಾಂಗ್‌ 48 ನಿಖರ ಗುರಿಗಳೊಂದಿಗೆ ಚಿನ್ನ ಗೆದ್ದರು. “ನನಗೆ ರವಿಯೇ ಪದಕಕ್ಕೆ ಸ್ಫೂರ್ತಿ. ಅರ್ಹತಾ ಸುತ್ತಿನಲ್ಲೂ ನಾನು ಹಿನ್ನಡೆಯಲ್ಲಿದ್ದೆ. ಮಧ್ಯಮ ಹಂತವೂ ಕೆಟ್ಟದಾಗಿತ್ತು. ಆಗ ನನ್ನನ್ನು ಹುರಿದುಂಬಿಸಿದ್ದೇ ರವಿ. ನಾನು ತಾಳ್ಮೆಯಿಂದ ಮುಂದುವರಿದು ಪದಕ ಗೆದ್ದೆ’
– ದೀಪಕ್‌ ಕುಮಾರ್‌