ರೈಲ್ವೇ ಸಚಿವರಿಗೆ ಸಂಸದೆ ಶೋಭಾ ಮನವಿ

ಉಡುಪಿ: ಸಂಸದೆ ಶೋಭಾ ಕರಂದ್ಲಾಜೆ  ಅವರು ರೈಲ್ವೇ ಸಂಬಂಧಿತ ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ರೈಲ್ವೇ ಸಚಿವ ಪಿಯೂಶ್‌ ಗೋಯೆಲ್‌ ಅವರಿಗೆ ಮನವಿ ಮಾಡಿದರು.

ಕಾರ್ಕಳ- ಮೂಡುಬಿದಿರೆ-ಉಜಿರೆ- ಧರ್ಮಸ್ಥಳದ ಹೊಸ ಮಾರ್ಗದ ಸರ್ವೆ, ಚಿಕ್ಕಮಗಳೂರು- ಹಾಸನ ನಡುವೆ ಹೊಸ ರೈಲು ಮಾರ್ಗ, ತರಿಕೆರೆಯಲ್ಲಿ ಜನಶತಾಬ್ದಿ ರೈಲಿಗೆ ನಿಲುಗಡೆ, ದೇವನೂರಿನಲ್ಲಿ ಮೈಸೂರು – ತಾಳಗುಪ್ಪ ಮತ್ತು ಶಿವಮೊಗ್ಗ – ಬೆಂಗಳೂರು ಇಂಟರ್‌ಸಿಟಿ ರೈಲುಗಳ (16205/16206, 20651/ 20652) ನಿಲುಗಡೆ, ತರಿಕೆರೆ ತಾಲೂಕಿನ ಬೆಲೆನಹಳ್ಳಿ ನಿಲ್ದಾಣದಲ್ಲಿ ಪ್ರಯಾಣಿಕ ರೈಲಿನ ನಿಲುಗಡೆ, ಚಿಕ್ಕಮಗಳೂರು- ಯಶವಂತಪುರ ಎಕ್ಸ್‌ಪ್ರೆಸ್‌ನ ವೇಗ ಹೆಚ್ಚಿಸುವಿಕೆ, ತರಿಕೆರೆ ನಿಲ್ದಾಣ ಮೇಲ್ದರ್ಜೆಗೇರಿಸುವುದು ಇತ್ಯಾದಿ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿದರು.