ಡಿಸೆಂಬರ್‌ 23ಕ್ಕೆ ಶಿವಣ್ಣ- ಹರ್ಷ ಕಾಂಬಿನೇಶನ್’ನ ‘ವೇದ’

ಶಿವರಾಜ್‌ಕುಮಾರ್‌ ನಟನೆಯ “ವೇದ’ ಚಿತ್ರ ಯಾವಾಗ ತೆರೆಕಾಣುತ್ತದೆ ಎಂಬ ಕುತೂಹಲ ಅವರ ಅಭಿಮಾನಿಗಳಲ್ಲಿತ್ತು. ಈಗ ಈ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಚಿತ್ರ ಡಿಸೆಂಬರ್‌ 23ರಂದು ತೆರೆಕಾಣಲಿದೆ.

ಚಿತ್ರತಂಡ ಹೊಸ ಪೋಸ್ಟರ್‌ವೊಂದನ್ನು ರಿಲೀಸ್‌ ಮಾಡಿದೆ. ಈ ಪೋಸ್ಟರ್‌ನಲ್ಲಿ ಶಿವಣ್ಣ ಜೊತೆಗೆ ಚಿತ್ರದ ಒಂದಷ್ಟು ಪಾತ್ರಗಳನ್ನು ಕೂಡಾ ಪರಿಚಯ ಮಾಡಿದ್ದಾರೆ. ಪ್ರತಿ ಪಾತ್ರವೂ ರಗಡ್‌ ಲುಕ್‌ನಿಂದ ಕೂಡಿದೆ.

ಇದು ಶಿವರಾಜ್‌ಕುಮಾರ್‌ ಅವರ 125ನೇ ಚಿತ್ರವಾಗಿದ್ದು. ತಮ್ಮದೇ ಬ್ಯಾನರ್‌ನಲ್ಲಿ ಶಿವರಾಜ್‌ ಕುಮಾರ್‌ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಈಗಾಗಲೇ ಹರ್ಷ ಹಾಗೂ ಶಿವರಾಜ್‌ಕುಮಾರ್‌ ಕಾಂಬಿನೇಶನ್‌ನಲ್ಲಿ ಮೂಡಿಬರುತ್ತಿರುವ ನಾಲ್ಕನೇ ಚಿತ್ರ ಇದು. ಈಗಾಗಲೇ “ಭಜರಂಗಿ’, “ವಜ್ರಕಾಯ’, “ಭಜರಂಗಿ-2′ ಚಿತ್ರಗಳನ್ನು ಮಾಡಿದ್ದು, ಈಗ “ವೇದ’ ಚಿತ್ರಗಳನ್ನು ಮಾಡುತ್ತಿದ್ದಾರೆ. ಸದ್ಯ ಶಿವರಾಜ್‌ಕುಮಾರ್‌ “ಘೋಸ್ಟ್‌’ ಹಾಗೂ ಯೋಗರಾಜ್‌ ಭಟ್‌ ನಿರ್ದೇಶನದ ಚಿತ್ರಗಳಲ್ಲಿ ಬಿಝಿ ಇದ್ದಾರೆ.