ಶಿರ್ವ: ಮನೆಗೆ ನುಗ್ಗಿ ಕಳವು

ಶಿರ್ವ: ಶಿರ್ವ ಗ್ರಾಮದ ಹಳೆ ಚರ್ಚ್‌ ಸಮೀಪದ ಶಿರ್ವ ಸಲಾಫಿ ಮಸೀದಿ ಬಳಿಯ ಮನೆಯಿಂದ ಜು. 3ರ ರಾತ್ರಿ ಸುಮಾರು 4.6 ಲ.ರೂ.ಮೌಲ್ಯದ ಚಿನ್ನಾಭರಣ ಕಳವಾಗಿದೆ.

ಅನೀಸ್‌ ಎಂಬವರ ಮನೆಯ ಮಹಡಿಯ ಬಾಗಿಲನ್ನು ಮುರಿ ದು ಬೆಡ್‌ರೂಂಗೆ ಪ್ರವೇಶಿಸಿದ ಕಳ್ಳರು, ಕಪಾಟಿನ ಡ್ರಾವರ್‌ನಲ್ಲಿದ್ದ ಸುಮಾರು 85 ಗ್ರಾಂ ತೂಕದ 3 ಚಿನ್ನದ ಬಳೆ, 82 ಗ್ರಾಂ ತೂಕದ ಚಿನ್ನದ ನೆಕ್ಲೇಸ್‌, 16 ಗ್ರಾಂ ತೂಕದ ಚಿನ್ನದ ಹ್ಯಾಂಡ್‌ಸೆಟ್‌ ಮತ್ತು ಸುಮಾರು 50 ಗ್ರಾಂ ತೂಕದ ಚಿನ್ನದ ಸೊಂಟ ಪಟ್ಟಿಯನ್ನು ಕಳವುಗೈದಿದ್ದಾರೆ ಎಂದು ಶಿರ್ವ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.