ಶಿಮಂತೂರು: ಮನೆಯೊಳಗೆ ಮಹಿಳೆಯ ಕೊಲೆಗೈದು ಬಾವಿಗೆ ಹಾಕಲು ಯತ್ನ

ಮೂಲ್ಕಿ: ಇಲ್ಲಿನ ಶಿಮಂತೂರು ಪರಂಕಿಲ ಎಂಬಲ್ಲಿನ ಮನೆಯೊಂದರಲ್ಲಿ ಶನಿವಾರ ರಾತ್ರಿ ಮಹಿಳೋರ್ವರನ್ನು ಕೊಲೆಗೈದ ಘಟನೆ ನಡೆದಿದೆ.

ಕೊಲೆಯಾದ ಮಹಿಳೆಯನ್ನು ಶಾರದಾ ಶೆಟ್ಟಿ ಎಂದು ಗುರುತಿಸಲಾಗಿದೆ.

ಮಹಿಳೆಯನ್ನು ಮನೆಯೊಳಗೆ ಕೊಲೆಗೈದು ಬಾವಿಗೆ ಹಾಕಲು ಪ್ರಯತ್ನ ನಡೆಸಲಾಗಿದೆ ಎಂದು ತಿಳಿದು ಬಂದಿದೆ.

ಮಹಿಳೆ ಒಬ್ಬರೆ ಮನೆಯಲ್ಲಿ ಇದ್ದಾಗ ಕೊಲೆ ಮಾಡಿ ಅಂಗಳದಲ್ಲಿ ದೇಹವನ್ನು ಎಳೆದು ತಂದು ಬಾವಿಗೆ ಹಾಕಲು ಪ್ರಯತ್ನ ಮಾಡಲಾಗಿದೆ.

ಚಿನ್ನಾಭರಣ ದರೋಡೆಗೆ ದುಷ್ಕರ್ಮಿಗಳು ಮನೆಗೆ ನುಗ್ಗಿ ಈ ಕೃತ್ಯ ನಡೆಸಿದ್ದಾರೆ ಎಂದು ಶಂಕಿಸಲಾಗಿದೆ.