ಶಿಲ್ಪಾ ಶೆಟ್ಟಿ-ಕುಂದ್ರಾ ದಂಪತಿಗೆ ಹೆ‌ಣ್ಣು ಮಗು

ಮುಂಬೈ: ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ಟಿ ಮತ್ತು ರಾಜ್‌ ಕುಂದ್ರಾ ದಂಪತಿ ಬಾಡಿಗೆ ತಾಯ್ತನದ ಮೂಲಕ ಹೆಣ್ಣು ಮಗು ವನ್ನು ಪಡೆದಿದ್ದಾಗಿ ಶುಕ್ರವಾರ ಘೋಷಿಸಿದ್ದಾರೆ.

ಫೆ.15ರಂದು ಅವರು ಎರಡನೇ ಮಗುವನ್ನು ಬರಮಾಡಿ ಕೊಂಡಿರುವುದಾಗಿ ಹೇಳಿದ್ದಾರೆ. “ನಮ್ಮ ಪ್ರಾರ್ಥನೆಗಳು ಪವಾಡದೊಂದಿಗೆ ಉತ್ತರಿಸಲ್ಪಟ್ಟವು. ಕೃತಜ್ಞತೆಗಳೊಂದಿಗೆ ನಾವು ನಮ್ಮ ಪುಟ್ಟ ದೇವತೆಯ ಆಗಮನದ ಕುರಿತು ಘೋಷಿಸಲು ಹರ್ಷಿಸುತ್ತೇವೆ. ಫೆ.15ರಂದು ನಾವು ನಮ್ಮ ಮಗಳು ಸಮಿಷಾ ಶೆಟ್ಟಿ ಕುಂದ್ರಾ ಳನ್ನು ಬರಮಾಡಿ ಕೊಂಡೆವು. ಈಗ ಮನ ಮನೆಯಲ್ಲಿ ಇಬ್ಬರು ಎಸ್‌ಎಸ್‌ಕೆ ಇದ್ದೇವೆ’ ಎಂದು ಅವರು ಟ್ವೀಟ್‌ ಮಾಡಿದ್ದಾರೆ. ಶಿಲ್ಪಾ ಮತ್ತು ರಾಜ್‌ ಕುಂದ್ರಾಗೆ ವಿಯಾನ್‌ ಎಂಬ 7 ವರ್ಷ ವಯಸ್ಸಿನ ಮಗನಿದ್ದಾನೆ.