ಶೆಟ್ರಕಟ್ಟೆ- ಸೌಕೂರು ದೇಗುಲದ ರಸ್ತೆ ತುಂಬ ಹೊಂಡ!

ಬಸ್ರೂರು: ಗುಲ್ವಾಡಿ- ಸೌಕೂರು ರಸ್ತೆಯ ಶೆಟ್ರಕಟ್ಟೆಯಿಂದ ದೇವಸ್ಥಾನದ ವರೆಗಿನ ಸುಮಾರು 0.5 ಕಿ.ಮೀ. ರಸ್ತೆಯಲ್ಲಿ ಹೊಂಡಗಳು ಉಂಟಾಗಿದ್ದು, ಸಂಚಾರ ದುಸ್ತರವಾಗಿದೆ.

ರಸ್ತೆಯ ಆರಂಭ ಮತ್ತು ಕೊನೆಯಲ್ಲಿ ಡಾಮರು, ಕಾಂಕ್ರೀಟ್‌ ಹಾಕಲಾಗಿದ್ದು ಮಧ್ಯ ಭಾಗದ ರಸ್ತೆ ಮಾತ್ರ ದುರಸ್ತಿ ಕಂಡಿಲ್ಲ. ಈ ಬಗ್ಗೆ ಸ್ಥಳೀಯಾಡಳಿತ ತತ್‌ಕ್ಷಣ ಕ್ರಮ ಕೈಗೊಳ್ಳಬೇಕೆಂದು ಸ್ಥಳೀಯರು ಆಗ್ರಹಿದ್ದಾರೆ.

ಹೊಂಡಗಳನ್ನು 2019-20ನೇ ಕ್ರಿಯಾ ಯೋಜನೆಯಲ್ಲಿ ಅನುದಾನ ಮೀಸಲಿರಿಸಿ ಸರಿಪಡಿಸಲಾಗುವುದು ಎಂದು ಗುಲ್ವಾಡಿ ಗ್ರಾ.ಪಂ. ಪಿಡಿಒ ವನಿತಾ ಶೆಟ್ಟಿ ತಿಳಿಸಿದ್ದಾರೆ.