ಜಯಾ ಸೋದರನ ಪುತ್ರಿ ದೀಪಾ ರಾಜಕೀಯಕ್ಕೆ?

ಚೆನ್ನೈ: ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜೆ. ಜಯಲಲಿತಾ ಅವರು ನಿಧನರಾಗಿ ಒಂದು ತಿಂಗಳು ತುಂಬಿದ ಬೆನ್ನಲ್ಲೇ, ರಾಜಕೀಯ ಅಖಾಡಕ್ಕೆ ಧುಮುಕುವ ಸುಳಿವನ್ನು ಅವರ ಏಕೈಕ ಸೋದರನ ಪುತ್ರಿ ದೀಪಾ ಜಯಕುಮಾರ್‌ ನೀಡಿದ್ದಾರೆ. ಜತೆಗೆ ತಮ್ಮ ರಾಜಕಾರಣ ಪ್ರವೇಶವನ್ನು ಯಾರಿಂದಲೂ ತಡೆಯಲು ಆಗದು ಎಂದು ಅಬ್ಬರಿಸಿದ್ದಾರೆ.

ಜಯಲಲಿತಾ ಅವರು ಕಾಲ ವಾಗಿರುವ ಹಿನ್ನೆಲೆಯಲ್ಲಿ ಸಕ್ರಿಯ ರಾಜಕಾರಣಕ್ಕೆ ಧುಮುಕಿ, ಪಕ್ಷದ ಕೆಲಸವನ್ನು ಮುನ್ನಡೆಸಿಕೊಂಡು ಹೋಗಬೇಕು ಎಂದು ತ್ಯಾಗರಾಜನಗರದಲ್ಲಿರುವ ನಿವಾಸಕ್ಕೆ ಬಂದು ಬೆಂಬಲಿಗರು ಒತ್ತಾಯ ಮಾಡಿದ ಹಿನ್ನೆಲೆಯಲ್ಲಿ ದೀಪಾ ಅವರು ಈ ಹೇಳಿಕೆ ನೀಡಿದ್ದಾರೆ.

ದೀಪಾ ಅವರು ಜಯಲಲಿತಾ ಸೋದರ ದಿವಂಗತ ಜಯಕುಮಾರ್‌ ಪುತ್ರಿ.