ಸರಳವಾಗಿ ಸೆಟ್ಟೇರಿದ ಶಶಾಂಕ್‌-ಡಾರ್ಲಿಂಗ್‌ ಕೃಷ್ಣ ಚಿತ್ರ

ಶಶಾಂಕ್‌ ನಿರ್ದೇಶನದಲ್ಲಿ ಡಾರ್ಲಿಂಗ್‌ ಕೃಷ್ಣ ನಾಯಕನಾಗಿ ಅಭಿನಯಿಸುತ್ತಿರುವ ಹೊಸ ಸಿನಿಮಾ ವಿಜಯ ದಶಮಿಯಂದು ಸರಳವಾಗಿ ಸೆಟ್ಟೇರಿತು.

“ಶಶಾಂಕ್‌ ಸಿನೆಮಾಸ್‌’ ಮತ್ತು “ಕೌರವ ಪ್ರೊಡಕ್ಷನ್‌ ಹೌಸ್‌’ ಬ್ಯಾನರ್‌ನಲ್ಲಿ ಜಂಟಿಯಾಗಿ ನಿರ್ಮಾಣವಾಗುತ್ತಿರುವ ಈ ಸಿನಿಮಾದ ಇತರ ಕಲಾವಿದರು ಮತ್ತು ತಂತ್ರಜ್ಞರು ಮಾಹಿತಿ ಇನ್ನಷ್ಟೇ ಹೊರಬರಬೇಕಿದೆ.

ಅಕ್ಟೋಬರ್‌ ಕೊನೆಯಿಂದ ಈ ಹೊಸ ಸಿನಿಮಾದ ಚಿತ್ರೀಕರಣ ಆರಂಭವಾಗಲಿದ್ದು, ಇದೇ ಅಕ್ಟೋಬರ್‌ 16ಕ್ಕೆ ಈ ಸಿನಿಮಾದ ಟೈಟಲ್‌ ಅನಾವರಣವಾಗಲಿದೆ.