Shanghai Masters Tennis; ಜೊಕೋವಿಕ್‌ಗೆ ಸೋಲು : ಜಾನ್ನಿಕ್‌ ಸಿನ್ನರ್‌ಗೆ ಪ್ರಶಸ್ತಿ

ಶಾಂಘೈ: ಅಗ್ರ ಶ್ರೇಯಾಂಕದ ಜಾನ್ನಿಕ್‌ ಸಿನ್ನರ್‌ ಅವರು ನೊವಾಕ್‌ ಜೊಕೋವಿಕ್‌ ಅವರನ್ನು ನೇರ ಸೆಟ್‌ಗಳಿಂದ ಸೋಲಿಸಿ  ಶಾಂಘೈ ಮಾಸ್ಟರ್ ಟೆನಿಸ್‌ ಕೂಟದ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಇದು ಇಟೆಲಿಯ ಸಿನ್ನರ್‌ ಅವರಿಗೆ ಒಲಿದ ಈ ಋತುವಿನ ಏಳನೇ ಪ್ರಶಸ್ತಿಯಾಗಿದೆ.

ತನ್ನ ಬಾಳ್ವೆಯ 100ನೇ ಮತ್ತು ಇಲ್ಲಿ ಐದನೇ ಪ್ರಶಸ್ತಿಯ ನಿರೀಕ್ಷೆಯಲ್ಲಿದ್ದ ಜೊಕೋವಿಕ್‌ ಅವರನ್ನು ಸಿನ್ನರ್‌ 7-6 (4), 6-3 ಸೆಟ್‌ಗಳಿಂದ ಉರುಳಿಸಿ ದರು. ಈ ಮೂಲಕ ಅವರು ಎಟಿಪಿ ಟೂರ್‌ ವರ್ಷಾಂತ್ಯದಲ್ಲಿ ನಂಬರ್‌ ವನ್‌ ಸ್ಥಾನವನ್ನು ಉಳಿಸಿಕೊಳ್ಳಲು ಯಶಸ್ವಿಯಾದರು.

ಇದೊಂದು ನಿಜವಾಗಿಯೂ ಅತ್ಯಂತ ಕಠಿನ ಪಂದ್ಯವಾ2ಗಿತ್ತು. ನೊವಾಕ್‌ ವಿರುದ್ಧ ಆಡುವುದೆಂದರೆ ಅದೊಂದು ದೊಡ್ಡ ಸವಾಲು ಎಂದು ಪಂದ್ಯದ ಬಳಿಕ ಸಿನ್ನರ್‌ ಹೇಳಿದರು.

ಸಬಲೆಂಕಾಗೆ ವುಹಾನ್‌ ಪ್ರಶಸ್ತಿ
ವನಿತೆಯರ ಸಿಂಗಲ್ಸ್‌ ಫೈನಲ್‌ನಲ್ಲಿ ಚೀನದ ಝೆಂಗ್‌ ಕ್ವಿನ್‌ವೆನ್‌ ಅವರನ್ನು 6-3, 5-7, 6-3 ಸೆಟ್‌ಗಳಿಂದ ಸೋಲಿ ಸಿದ ಅರಿನಾ ಸಬಲೆಂಕಾ ಸತತ ಮೂರನೇ ವರ್ಷ ಇಲ್ಲಿ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದರು. ಇದು ಈ ಋತುವಿನಲ್ಲಿ ಅವರ ನಾಲ್ಕನೇ ಪ್ರಶಸ್ತಿ ಯಾಗಿದೆ. ಇದರಲ್ಲಿ ಆಸ್ಟ್ರೇಲಿಯನ್‌ ಮತ್ತು ಯುಎಸ್‌ ಓಪನ್‌ ಪ್ರಶಸ್ತಿ ಸೇರಿಕೊಂಡಿದೆ.