ಕ್ಯಾಪ್‌ ಹರಾಜು: ಕಾಡ್ಗಿಚ್ಚು ಸಂತ್ರಸ್ತರ ನೆರವಿಗೆ ವಾರ್ನ್

ಸಿಡ್ನಿ (ಆಸ್ಟ್ರೇಲಿಯ): ಕಾಡ್ಗಿಚ್ಚಿನಿಂದ ವ್ಯಾಪಕ ಹಾನಿಗೊಳಗಾಗಿರುವ ಆಸ್ಟ್ರೇಲಿಯ ನೆರವಿಗೆ ಕ್ರಿಕೆಟ್‌ ದಂತಕಥೆ ಶೇನ್‌ ವಾರ್ನ್ ಧಾವಿಸಿದ್ದಾರೆ.

ಅವರು ತಾವಾಡಿದ145 ಟೆಸ್ಟ್‌ ಪಂದ್ಯಗಳಲ್ಲಿ ಧರಿಸಿದ್ದ, ಅತ್ಯಂತ ಪ್ರೀತಿಯ ಬ್ಯಾಗಿ ಗ್ರೀನ್‌ ಕ್ಯಾಪನ್ನು ಹರಾಜಿಗೊಳಪಡಿಸಿದ್ದಾರೆ. ಅದರಿಂದ 1.37 ಕೋಟಿ ರೂ. ಸಂಗ್ರಹವಾಗಿದೆ. ಅದನ್ನು ನೊಂದವರಿಗೆ ತಲುಪಿಸಲು ನಿರ್ಧರಿಸಿದ್ದಾರೆ.

ಈ ಕ್ರಮ ವ್ಯಾಪಕ ಮೆಚ್ಚುಗೆಗೆ ಕಾರಣವಾಗಿದೆ. ಇಡೀ ಆಸ್ಟ್ರೇಲಿಯದಲ್ಲಿ ಕಾಣಿಸಿಕೊಂಡ ಕಾಡ್ಗಿಚ್ಚಿಗೆ ಹಲವು ಮೃತಪಟ್ಟು, ಸಾವಿರಾರು ಎಕರೆ ಕಾಡು ನಾಶವಾಗಿದೆ. ಲಕ್ಷಾಂತರ ಪ್ರಾಣಿಗಳು ಸಾವಿಗೀಡಾಗಿವೆ.