ಬಾಂಗ್ಲಾ ಏಕದಿನ ತಂಡಕ್ಕೆ ಶಕಿಬ್‌

ಢಾಕಾ: ಆಲ್‌ರೌಂಡರ್‌ ಶಕಿಬ್‌ ಅಲ್‌ ಹಸನ್‌ ಬಾಂಗ್ಲಾದೇಶ ಏಕದಿನ ತಂಡಕ್ಕೆ ವಾಪಸಾಗಿದ್ದಾರೆ. ಪ್ರವಾಸಿ ಶ್ರೀಲಂಕಾ ವಿರುದ್ಧದ ಮೊದಲೆರಡು ಏಕದಿನ ಪಂದ್ಯಗಳಿಗಾಗಿ ಪ್ರಕಟಿಸಲಾದ ತಂಡದಲ್ಲಿ ಶಕಿಬ್‌ಗ ಅವಕಾಶ ನೀಡಲಾಗಿದೆ.

ಗಾಯಾಳಾಗಿದ್ದ ಶಕಿಬ್‌ ಕಳೆದ ನ್ಯೂಜಿಲ್ಯಾಂಡ್‌ ಪ್ರವಾಸದಿಂದ ಬೇರ್ಪಟ್ಟಿದ್ದರು. ಆ ಪ್ರವಾಸದಲ್ಲಿದ್ದ ನಜ್ಮುಲ್‌ ಹುಸೇನ್‌, ಅಲ್‌ ಅಮಿನ್‌ ಹೊಸೇನ್‌, ಹಸನ್‌ ಮೊಹಮ್ಮದ್‌, ರುಬೆಲ್‌ ಹೊಸೇನ್‌, ಮೊಹಮ್ಮದ್‌ ನೈಮ್‌, ನಾಸುಮ್‌ ಅಹ್ಮದ್‌ ಅವರನ್ನೆಲ್ಲ ಕೈಬಿಡಲಾ ಗಿದೆ. 4 ಮಂದಿ ಮೀಸಲು ಆಟಗಾರರನ್ನೂ ಬಾಂಗ್ಲಾ ಹೆಸರಿಸಿದೆ.

ಸರಣಿಯ 3 ಪಂದ್ಯಗಳು ಢಾಕಾದ “ಶೇರ್‌ ಎ ಬಾಂಗ್ಲಾ ಸ್ಟೇಡಿಯಂ’ನಲ್ಲಿ ಮೇ 23, 25 ಮತ್ತು 28ರಂದು ನಡೆಯಲಿವೆ.

ಬಾಂಗ್ಲಾದೇಶ ತಂಡ: ತಮಿಮ್‌ ಇಕ್ಬಾಲ್‌ (ನಾಯಕ), ಲಿಟನ್‌ ದಾಸ್‌, ಶಕಿಬ್‌ ಅಲ್‌ ಹಸನ್‌, ಮುಶ್ಫಿಕರ್‌ ರಹೀಂ, ಮೊಹಮ್ಮದ್‌ ಮಿಥುನ್‌, ಮಹಮದುಲ್ಲ, ಆಫಿಫ್ ಹೊಸೇನ್‌, ಮೆಹಿದಿ ಹಸನ್‌ ಮಿರಾಜ್‌, ಮೊಹಮ್ಮದ್‌ ಸೈಫ‌ುದ್ದೀನ್‌, ಟಸ್ಕಿನ್‌ ಅಹ್ಮದ್‌, ಮುಸ್ತಫಿಜುರ್‌ ರೆಹಮಾನ್‌, ಸೌಮ್ಯ ಸರ್ಕಾರ್‌, ಮುಸದೆಕ್‌ ಹೊಸೇನ್‌, ಮಹೆದಿ ಹಸನ್‌, ಶೊರೀಫ‌ುಲ್‌ ಇಸ್ಲಾಮ್‌.