ಏಶ್ಯ ಕಪ್‌ ಕ್ರಿಕೆಟ್‌: ಗಾಯಾಳು ಶಕಿಬ್‌ ಅಲ್‌ ಹಸನ್‌ ಅನುಮಾನ

ಢಾಕಾ: ಎಡಗೈ ಬೆರಳಿನ ಗಾಯದಿಂದಾಗಿ ಬಾಂಗ್ಲಾದೇಶದ ಆಲೌರೌಂಡರ್‌ ಶಕಿಬ್‌ ಅಲ್‌ ಹಸನ್‌ ಮುಂಬರುವ ಏಶ್ಯ ಕಪ್‌ ಕ್ರಿಕೆಟ್‌ ಪಂದ್ಯಾವಳಿಯಿಂದ ದೂರ ಉಳಿಯುವ ಸಾಧ್ಯತೆ ಇದೆ. ಇದು 8 ತಿಂಗಳ ಹಿಂದೆ ಕಾಡಿದ ನೋವಾಗಿದ್ದು, ಈಗ ಮರುಕಳಿಸಿದೆ.

“ಕೈಬೆರಳಿಗೆ ಶಸ್ತ್ರಚಿಕಿತ್ಸೆ ಅನಿವಾರ್ಯವಾಗಿದೆ. ಕೂಡಲೇ ಕತ್ತರಿ ಹಾಕಿದರೆ ಏಶ್ಯ ಕಪ್‌ ಆಡಲಾಗದು’ ಎಂಬುದಾಗಿ ವೆಸ್ಟ್‌ ಇಂಡೀಸ್‌ ಪ್ರವಾಸ ಮುಗಿಸಿ ಢಾಕಾಕ್ಕೆ ಆಗಮಿಸಿದ ಸಂದರ್ಭದಲ್ಲಿ ಶಕಿಬ್‌ ಅಲ್‌ ಹಸನ್‌ ಹೇಳಿದರು.

ಈ ಬಾರಿಯ ಏಶ್ಯ ಕಪ್‌ ಕ್ರಿಕೆಟ್‌ ಪಂದ್ಯಾವಳಿ ಸೆ. 15ರಿಂದ 28ರ ತನಕ ಯುಎಇ ಆತಿಥ್ಯದಲ್ಲಿ ನಡೆಯಲಿದೆ.