ಪಾಕ್‌ ಕ್ರಿಕೆಟಿಗ ಅಫ್ರಿದಿ ಆತ್ಮಕಥನ ಏ.30ಕ್ಕೆ ಬಿಡುಗಡೆ

ಕರಾಚಿ: ಪಾಕಿಸ್ತಾನ ಕ್ರಿಕೆಟ್‌ ಕಂಡ ಸ್ಫೋಟಕ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರಾಗಿರುವ, ಮಾಜಿ ನಾಯಕ ಶಾಹಿದ್‌ ಅಫ್ರಿದಿಯ ಆತ್ಮಕಥಾನಕ “ಗೇಮ್‌ ಚೇಂಜರ್‌’ ಪುಸ್ತಕ ಏ.30ರಂದು ಬಿಡುಗಡೆಯಾಗಲಿದೆ.

ವೃತ್ತಿಜೀವನದಲ್ಲಿ ಹಲವು ಏರಿಳಿತ ಕಂಡಿರುವ ಅವರು, ಹಲವು ವಿವಾದಗಳಿಗೂ ಸಾಕ್ಷಿಯಾಗಿದ್ದಾರೆ. ಇದುವರೆಗೆ ನೂರಾರು ಬಾರಿ ಟೀವಿ ಮುಂದೆ ಕೂತಿದ್ದರೂ, ಎಲ್ಲೂ ಹೇಳದ ವಿಚಾರಗಳನ್ನು ಇಲ್ಲಿ ಹೇಳಲಾಗಿದೆ ಎಂಬ ಭರವಸೆಯನ್ನು ಅಫ್ರಿದಿ ನೀಡಿದ್ದಾರೆ. ಸದ್ಯ ಅವರು ಎಲ್ಲ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯಾಗಿದ್ದಾರೆ.