“ವಿಷು’ಪ್ರಯುಕ್ತ ಎ.10ರಿಂದ ತೆರೆಯಲಿದೆ ಶಬರಿಮಲೆ ದೇಗುಲ

 

ಶಬರಿಮಲೆ: “ವಿಷು’ ಹಬ್ಬದ ಪ್ರಯುಕ್ತ ಶಬರಿ ಮಲೆಯಲ್ಲಿರುವ ಅಯ್ಯಪ್ಪ ಸ್ವಾಮಿ ದೇಗುಲ ಎ.10ರಿಂದ 8 ದಿನಗಳ ಕಾಲ ತೆರೆಯಲಿದೆ. ಆ ದಿನ ಸಂಜೆ 5 ಗಂಟೆಗೆ ಮುಖ್ಯ ಅರ್ಚಕ ಜಯರಾಜ್‌ ಪೊಟ್ಟಿ, ಗರ್ಭಗುಡಿ ಬಾಗಿಲನ್ನು ತೆರೆಯಲಿದ್ದಾರೆ. ಬಾಗಿಲು ತೆಗೆದ ಬಳಿಕ ಧಾರ್ಮಿಕ ಕಾರ್ಯಕ್ರಮಗಳು ನಡೆಯುವುದಿಲ್ಲ.

ವಿಷು ಸಂದರ್ಭದಲ್ಲಿಯೂ ದೇಗುಲಕ್ಕೆ ಭಕ್ತರಿಗೆ ಪ್ರವೇಶಕ್ಕೆ ನಿಯಮಾನುಸಾರ ಅವಕಾಶ ನೀಡಲಾಗುತ್ತದೆ. ಪ್ರತೀ ದಿನ 10 ಸಾವಿರ ಮಂದಿದೆ ದರ್ಶನ ಅವಕಾಶವಿದೆ. ಅದಕ್ಕಾಗಿ ವರ್ಚುವಲ್‌ ಕ್ಯೂ ಮೂಲಕ ಪಾಸ್‌ ಪಡೆಯಬೇಕು ಮತ್ತು ದೇಗುಲ ಪ್ರವೇಶಕ್ಕೆ ಆರ್‌ಟಿ-ಪಿಸಿಆರ್‌ ನೆಗೆಟಿವ್‌ ವರದಿ ಕಡ್ಡಾಯಗೊಳಿಸಲಾಗಿದೆ.

ವಿಷು ಕಣಿ ದರ್ಶನಕ್ಕಾಗಿ ಎ.14ರಂದು 5-6 ಗಂಟೆಯ ನಡುವೆ ಗರ್ಭಗುಡಿಯ ಬಾಗಿಲು ತೆರೆಯಲಾಗುತ್ತದೆ. 8 ದಿನಗಳಲ್ಲಿ ಉದಯಾಸ್ತಮಾನ ಪೂಜೆ, ಕಲಶಾಭಿಷೇಕ ಮತ್ತು ಪಡಿ ಪೂಜೆ ಎಂಬ ವಿಶೇಷ ಕಾರ್ಯಕ್ರಮಗಳು ನಡೆಯಲಿವೆ. ಎ.18ರ ರಾತ್ರಿ ಪೂಜೆಯ ಬಳಿಕ 9 ಗಂಟೆಗೆ ಮತ್ತೆ ಅಯ್ಯಪ್ಪ ದೇಗುಲದ ಬಾಗಿಲು ಮುಚ್ಚ ಲಾಗುತ್ತದೆ.