ಕೋವಿಡ್ ನಡುವೆ ಅಧಿವೇಶನ ಸವಾಲು

ಬೆಂಗಳೂರು: ಕೋವಿಡ್ ಸಂಕಷ್ಟದ ನಡುವೆ ರಾಜ್ಯ ವಿಧಾನ ಮಂಡಲದ ಅಧಿವೇಶನ ನಡೆಸಲು ತೀರ್ಮಾನಿಸಲಾಗಿದ್ದು, 10 ಮಸೂದೆಗಳು, 19 ಅಧ್ಯಾದೇಶಗಳು ಮಂಡನೆಯಾಗಲಿವೆ.

ಸೆ. 21ರಿಂದ 30ರವರೆಗೆ ನಡೆಯುವ ಅಧಿವೇಶನದಲ್ಲಿ 2 ದಿನ ಸರಕಾರಿ ರಜೆ ಇದ್ದು, ಮೊದಲ ದಿನ ಶ್ರದ್ಧಾಂಜಲಿ ಸಭೆ ನಡೆಯಲಿದೆ. ಉಳಿದ 7 ದಿವಸಗಳಲ್ಲಿ ಪ್ರಶ್ನೋತ್ತರ ಕಲಾಪ ಸಹಿತ ಎಲ್ಲವನ್ನೂ ಮುಕ್ತಾಯಗೊಳಿಸುವುದು ಸವಾಲಾಗಿದೆ. ಎಲ್ಲರಿಗೂ ಕೋವಿಡ್ ತಪಾಸಣೆ, ಸ್ಯಾನಿಟೈಸೇಶನ್‌, ಉಷ್ಣಾಂಶ ತಪಾಸಣೆ, ಅಂತರ ಕಾಯ್ದುಕೊಳ್ಳುವುದು ದೊಡ್ಡ ಸವಾಲಾಗಲಿದೆ. ವಿಪಕ್ಷಗಳು ಪ್ರಮುಖ ಅಧ್ಯಾದೇಶಗಳನ್ನು ವಿರೋಧಿಸಲು ನಿರ್ಧರಿಸಿವೆ. ಸದನದಲ್ಲಿ ಬಾವಿಗಿಳಿದು ಪ್ರತಿಭಟನೆಯನ್ನು ತಡೆಯುವುದೂ ಸಭಾಧ್ಯಕ್ಷರನ್ನು ಇಕ್ಕಟ್ಟಿಗೆ ಸಿಲುಕಿಸುವ ಸಾಧ್ಯತೆ ಇದೆ.

ಕೋವಿಡ್ ಸಂದರ್ಭದಲ್ಲಿ ಕಾಂಗ್ರೆಸ್‌ ಸರಕಾರದ ವಿರುದ್ಧ ಭ್ರಷ್ಟಾಚಾರ ಆರೋಪ ಮಾಡಿ ರುವುದರಿಂದ ಆ ವಿಷಯದ ಮೇಲೂ ವಿಶೇಷ ಚರ್ಚೆಗೆ ಅವಕಾಶ ನೀಡುವಂತೆ ಕಾಂಗ್ರೆಸ್‌ ನಿಲುವಳಿ ಸೂಚನೆ ಮಂಡಿಸುವ ಸಾಧ್ಯತೆ ಇದೆ. ಹೀಗಾಗಿ ಕೊರೊನಾ ಕಂಟಕದ ನಡುವೆ ಎಂಟು ದಿನಗಳ ಅಧಿವೇಶನ ಸರಕಾರಕ್ಕೆ ದೊಡ್ಡ ಸವಾಲಾಗುವ ಸಾಧ್ಯತೆ ಇದೆ.