Advertisement
ಒಂದು ಆರ್ಥಿಕ ಅಪರಾಧ ಮತ್ತು ಮಾದಕ ದ್ರವ್ಯ ತಡೆ ಪೊಲೀಸ್ ಠಾಣೆ ಹಾಗೂ ಇನ್ನೊಂದು ಮಂಗಳೂರು ಪೊಲೀಸ್ ಸೈಬರ್‌ ಠಾಣೆ ಆರಂಭಿಸಲು ನಿರ್ಧರಿಸಲಾಗಿದ್ದು, ಪ್ರಕ್ರಿಯೆ ಈಗಾಗಲೇ ಆರಂಭವಾಗಿದೆ. ಮಂಗಳೂರು ಸೈಬರ್‌ ಪೊಲೀಸ್ ಠಾಣೆಗೆ ಸವಿತ್ರ ತೇಜ ಇನ್ಸ್ಪೆಕ್ಟರ್ ಆಗಿ ಹಾಗೂ ಆರ್ಥಿಕ ಅಪರಾಧ ಮತ್ತು ಮಾದಕದ್ರವ್ಯ ತಡೆ ಪೊಲೀಸ್ ಠಾಣೆಗೆ ಮಹಮ್ಮದ್‌ ಶರೀಫ್‌ ಇನ್ಸ್ಪೆಕ್ಟರ್ ಆಗಿ ನಿಯೋಜನೆಗೊಂಡಿದ್ದಾರೆ.
ಈ ಠಾಣೆಯಲ್ಲಿ ಗಾಂಜಾ, ಮಾದಕ ದ್ರವ್ಯ, 25 ಲಕ್ಷ ರೂ.ಗಿಂತ ಹೆಚ್ಚಿನ ಮೊತ್ತದ ವಂಚನೆ, ಅಕ್ರಮ ಲಾಟರಿ, ಅಬಕಾರಿ, ಸಂಘಟಿತ ಅಪರಾಧ, ಖೋಟಾನೋಟು ಪ್ರಕರಣ, ಮಾನವ ಕಳ್ಳಸಾಗಾಣಿಕೆ, ಸಹಕಾರಿ ಸಂಘಗಳಿಂದ ವಂಚನೆ, ಆ್ಯಸಿಡ್‌ ದಾಳಿ ಪ್ರಕರಣಗಳು ದಾಖಲಾಗಲಿವೆ. ಮಂಗಳೂರು ಪೊಲೀಸ್ ಕಮಿಷನರೆಟ್‌ ವ್ಯಾಪ್ತಿಯಲ್ಲಿರುವ ಈ ರೀತಿಯ ವಿಶೇಷ ಪ್ರಕರಣಗಳನ್ನು ಈ ಠಾಣೆ ಜವಾಬ್ದಾರಿ ವಹಿಸಿಕೊಂಡು ನಿರ್ವಹಿಸಲಿದೆ. ಸಿಟಿ ಸೈಬರ್‌ ಕ್ರೈಂ ಪೊಲೀಸ್ ಠಾಣೆ: ಸಿಟಿ ಸೈಬರ್‌ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಫೇಸ್‌ ಬುಕ್‌, ವಾಟ್ಸಪ್‌ ಸೇರಿದಂತೆ ಸಾಮಾಜಿಕ ಜಾಲತಾಣಗಳ ಸಂಬಂಧಿತ ಪ್ರಕರಣ, ಇಂಟರ್‌ನೆಟ್‌ ಮೂಲಕ ಹಣ ವಂಚನೆ ಸೇರಿದಂತೆ ಎಲೆಕ್ಟ್ರಾನಿಕ್ಸ್‌ ಸಂಬಂಧಿತ ಪ್ರಕರಣಗಳು ದಾಖಲಾಗಿ ತನಿಖೆ ನಡೆಯಲಿದೆ. ಈ ಎರಡೂ ಠಾಣೆಗಳೂ 2000ರ ಕಾಯ್ದೆಯಡಿ (2002ರಲ್ಲಿ ತಿದ್ದುಪಡಿ) ನಗರದಲ್ಲಿ ನಡೆಯುವ ವಿಶೇಷ ಪ್ರಕರಣಗಳನ್ನು ತಮ್ಮ ಸುಪರ್ದಿಗೆ ತೆಗೆದುಕೊಂಡು ತನಿಖೆ ನಡೆಸಲಿವೆ.
Related Articles
ತಡೆ ಪೊಲೀಸ್ ಠಾಣೆ (ನ್ಯಾರ್ಕೊಟಿಕ್‌ ಆ್ಯಂಡ್‌ ಇಕೋನಾಮಿಕ್ಸ್‌ ಒಫೆನ್ಸ್‌): ಇನ್ಸ್ಪೆಕ್ಟರ್- ಮಹಮ್ಮದ್‌ ಶರೀಫ್‌, ಸಿಬಂದಿ: 1 ಇನ್ಸ್ಪೆಕ್ಟರ್, 2 ಪಿಎಎಸ್‌ಐ, 6 ಎಚ್‌ಸಿ, 15 ಪಿಸಿ. ಸ್ಥಳ: ದಕ್ಷಿಣ (ಪಾಂಡೇಶ್ವರ) ಪೊಲೀಸ್ ಠಾಣೆಯ 2ನೇ ಮಹಡಿ. ದೂರುಗಳಿದ್ದರೆ 0824-2220594, 9620298444 ನೀಡಬಹುದು.
Advertisement
ಸಿಟಿ ಸೈಬರ್‌ ಕ್ರೈಂ ಪೊಲೀಸ್ ಠಾಣೆ ಇನ್ಸ್ಪೆಕ್ಟರ್: ಸವಿತ್ರ ತೇಜ, ಸಿಬಂದಿ: 1 ಇನ್ಸ್ಪೆಕ್ಟರ್, 2ಪಿಎಎಸ್‌ಐ, 6 ಎಚ್‌ಸಿ, 15 ಪಿಸಿ. ಸ್ಥಳ: ಹಳೆ ಸಂಚಾರಿ ಪಶ್ಚಿಮ ಠಾಣೆ, ಬಂದರ್‌. ದೂರುಗಳಿದ್ದರೆ 0824-2220844, 9449020335 ನೀಡಬಹುದು. – ಹಿಲರಿ ಕ್ರಾಸ್ತಾ