ಸಿಆರ್‌ಪಿಎಫ್ ಗೆ ಹೊಸ ಡಿಜಿ

ಹೊಸದಿಲ್ಲಿ: ಕೇಂದ್ರ ಮೀಸಲು ಪೊಲೀಸ್‌ ಪಡೆ (ಸಿಆರ್‌ಪಿಎಫ್) ನೂತನ ಪ್ರಧಾನ ನಿರ್ದೇಶಕ(ಡಿಜಿ)ರಾಗಿ ದಿಲ್ಲಿಯ ಹಿರಿಯ ಐಪಿಎಸ್‌ ಅಧಿಕಾರಿ ಎ.ಪಿ. ಮಹೇಶ್ವರಿ ಅವರು ನೇಮಕಗೊಂಡಿದ್ದಾರೆ. ಕೇಂದ್ರ ಸಿಬಂದಿ ಸಚಿವಾಲಯ ಈ ಕುರಿತು ಮಾಹಿತಿ ನೀಡಿದೆ.

1984ರ ಬ್ಯಾಚ್‌ನ ಉತ್ತರ ಪ್ರದೇಶದ ಕೇಡರ್‌ನ ಐಪಿಎಸ್‌ ಅಧಿಕಾರಿಯಾಗಿರುವ ಅವರು, ಪ್ರಸ್ತುತ ಕೇಂದ್ರ ಗೃಹ ಸಚಿವಾಲಯದಲ್ಲಿ ವಿಶೇಷ ಕಾರ್ಯದರ್ಶಿ(ಆಂತರಿಕ ಭದ್ರತೆ)ಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಅವರು 2021ರ ಫೆ.28ರವರೆಗೆ ಸಿಆರ್‌ಪಿಎಫ್ ಡಿಜಿಯಾಗಿ ಇರಲಿದ್ದಾರೆ.