ಸೆಂಗೋಲ್ ಇತಿಹಾಸ ;ರಾಜ್ಯಸಭೆಯಲ್ಲಿ ಉತ್ತರ ನೀಡಿದ ಸಚಿವ ಅನುರಾಗ್ ಠಾಕೂರ್

ಹೊಸದಿಲ್ಲಿ: ಸೆಂಗೋಲ್ ಇತಿಹಾಸದ ಸಾಕ್ಷ್ಯಚಿತ್ರವು ಬ್ರಿಟಿಷರಿಂದ ಸ್ವತಂತ್ರ ಭಾರತಕ್ಕೆ ಅಧಿಕಾರದ ಹಸ್ತಾಂತರವನ್ನು ಸೂಚಿಸುತ್ತದೆ, ಇದು ಸರಕಾರಿ ದಾಖಲೆಗಳು, ಸಾಂಸ್ಥಿಕ ಸ್ಮರಣೆ ಮತ್ತು ಸಮಕಾಲೀನ ಮಾಧ್ಯಮ ವರದಿಗಳನ್ನು ಅವಲಂಬಿಸಿದೆ ಎಂದು ಕೇಂದ್ರ ಸಚಿವ ಅನುರಾಗ್ ಠಾಕೂರ್ ಗುರುವಾರ ರಾಜ್ಯಸಭೆಗೆ ತಿಳಿಸಿದ್ದಾರೆ.

ಲಿಖಿತ ಉತ್ತರದಲ್ಲಿ ಮಾಹಿತಿ ಮತ್ತು ಪ್ರಸಾರ ಸಚಿವರು, ಈ ಸಾಕ್ಷ್ಯಚಿತ್ರವನ್ನು ಇಂದಿರಾ ಗಾಂಧಿ ನ್ಯಾಷನಲ್ ಸೆಂಟರ್ ಫಾರ್ ದಿ ಆರ್ಟ್ಸ್ (IGNCA) ನಿರ್ಮಿಸಿದೆ ಮತ್ತು ಉತ್ಪಾದನಾ ವೆಚ್ಚವು ಒಟ್ಟಾರೆ ನಿಯೋಜನೆಯ ಭಾಗವಾಗಿದೆ ಎಂದು ಹೇಳಿದ್ದಾರೆ.

ಮೇ 28 ರಂದು ನೂತನ್ ಸಂಸತ್ ಕಟ್ಟಡದ  ಲೋಕಸಭೆಯ ಕೊಠಡಿಯಲ್ಲಿ ಇರಿಸಲಾದ ಸೆಂಗೋಲ್, ಚೋಳ ಸಾಮ್ರಾಜ್ಯದ ಅವಧಿಯಲ್ಲಿ ಅಧಿಕಾರದ ವರ್ಗಾವಣೆಯನ್ನು ಸಂಕೇತಿಸುತ್ತದೆ. ಸೆಂಗೋಲ್‌ನ ಇತಿಹಾಸ ಮತ್ತು ಪ್ರಾಮುಖ್ಯತೆಯನ್ನು ಪುನರ್ನಿರ್ಮಿಸಲು ಉಲ್ಲೇಖಿಸಲಾದ ಮೂಲಗಳು ತಮಿಳುನಾಡಿನ ಹಿಂದೂ ಧಾರ್ಮಿಕ ಮತ್ತು ದತ್ತಿ ಸಚಿವರ ನೀತಿ ಟಿಪ್ಪಣಿ 2021-22 ಅನ್ನು ಒಳಗೊಂಡಿವೆ ಎಂದು ಠಾಕೂರ್‌ ಹೇಳಿದ್ದಾರೆ.

ಸಾಕ್ಷ್ಯಚಿತ್ರ ತಯಾರಕರು ತಿರುವವಡುತೌರೈ ಅಧೀನಂ ದಾಖಲೆಗಳು ಮತ್ತು ಅದರ ಸಾಂಸ್ಥಿಕ ಸ್ಮರಣೆಯನ್ನು ಅವಲಂಬಿಸಿದ್ದಾರೆ ಎಂದು ಅವರು ಹೇಳಿದ್ದಾರೆ.