Maharashtra: ಉದ್ದವ್‌ ಬಣದ 36 ಅಭ್ಯರ್ಥಿ ಸೋಲಿಸಿದ ಶಿಂಧೆ ಶಿವ ಸೇನೆ

ಮುಂಬೈ: ಮಹಾರಾಷ್ಟ್ರ ಚುನಾವಣೆಯಲ್ಲಿ ಏಕನಾಥ್‌ ಶಿಂಧೆ ನೇತೃತ್ವದ ಶಿವಸೇನೆ ಮತ್ತು ಉದ್ಧವ್‌ ಶಿವಸೇನೆ ನಡುವಿನ ಕಾಳಗದಲ್ಲಿ ಶಿಂಧೆ ನೇತೃತ್ವದ ಸೇನೆ ಅತ್ಯುತ್ತಮ ಪ್ರದರ್ಶನ ತೋರಿದೆ.

ಉದ್ದವ್‌ ಶಿವಸೇನೆಯ 36 ಅಭ್ಯರ್ಥಿಗಳನ್ನು ಸೋಲಿಸುವಲ್ಲಿ ಶಿಂಧೆ ಶಿವಸೇನೆ ಯಶಸ್ವಿಯಾಗಿದೆ.

ಈ ಮೂಲಕ ಬಾಳಾಸಾಹೇಬ್‌ ಠಾಕ್ರೆ ನಿಜವಾದ ವಾರಸುದಾರ ಪಕ್ಷ ತಮ್ಮದೇ ಎಂದು ನಿರೂಪಿಸಿದೆ.

ಶಿಂಧೆ ಶಿವಸೇನೆ 81 ಕ್ಷೇತ್ರಗಳಲ್ಲಿ ಸ್ಪರ್ಧಿಸಿ 57 ಸ್ಥಾನಗಳನ್ನು ಗೆದ್ದರೆ, ಉದ್ಧವ್‌ ಸೇನೆಯು 95 ಕ್ಷೇತ್ರಗಳಲ್ಲಿ ಸ್ಪರ್ಧಿಸಿ 20 ಸ್ಥಾನ ಮಾತ್ರ ಗೆದ್ದಿದೆ. 14 ಕ್ಷೇತ್ರಗಳಲ್ಲಿ ಶಿಂಧೆ ಸೇನೆಯ ಅಭ್ಯರ್ಥಿಗಳನ್ನು ಮಾತ್ರ ಸೋಲಿಸಿದೆ.